सांगोला शहर व तालुक्यातील बौध्द बांधवांच्या वतीने मणिपूर व बेडग येथील घटनेच्या निषेधार्थ बधवारी भव्य निषेध मोर्चा

 सांगोला शहर व तालुक्यातील बौध्द बांधवांच्या वतीने मणिपूर व बेडग

येथील घटनेच्या निषेधार्थ बधवारी भव्य निषेध मोर्चा

सांगोला / प्रतिनिधी: (शब्दरेखा एक्सप्रेस न्यूज नेटवर्क सांगोला)

मणिपूर येथील दोन महिलांची विवस्त्र पिंड काढून माणुसकीला काळिमा फासणाऱ्या घटनेच्या निषेधार्थ व सांगली जिल्ह्यातील मिरज तालुक्यातील बेडग येथील ग्रामपंचायतीने 

डॉ. बाबासाहेब आंबेडकर प्रवेशद्वाराची कमान अवैध ठरवत पाडली या दोन्ही घटनांच्या निषेधार्थ बुधवार दि. २६ जुलै २०२३ रोजी सकाळी १० वाजता सांगोला तहसील कार्यालयावर भव्य निषेध मोर्चा काढण्यात येणार आहे. 

सदर निषेध मोर्चाचे नियोजन करण्यासाठी सांगोला शहरातील बौध्द समाज बांधवांची बैठक काल रविवारी सायंकाळी भिमनगर येथे पार पडली. या बैठकीमध्ये बुधवारी जाहीर निषेध मोर्चा काढण्याचे सर्वानुमते ठरले आहे.

मणिपूरमध्ये जमावाने दोन महिलांची विवस्त्र अवस्थेत रस्त्यावरून धिंड काढली. राजधानी इंफाळपासून ३५ किमी अंतरावर असलेल्याकांगपोकपी जिल्ह्यात ४ मे रोजी ही घटना घडली. त्याचा व्हिडिओ सोशल मीडियावर व्हायरल झाला. 

सरकारने फेसबुक ट्रिटर आणि - इतर सोशल मीडिया प्लॅटफॉर्मला हा व्हिडिओ शेअर न करण्याचे आदेश दिले आहेत. कुकी 1 जमातीतील या दोन पीडित महिलांवर शेतात  सामूहिक बलात्कार करण्यात आला होता.

मणिपूर येथे घडलेल्या घटनेचे पडसाद आता सांगोल्यातही उमटण्यास सुरुवात झाली आहे. या घटनेतील दोषींवर तात्काळ कडक  कारवाई होवून फाशीची शिक्षा देण्यात यावी 

या  मागणीसाठी बुधवार दि. २६ जुलै २०२३ रोजी • सकाळी १० वाजता सांगोला शहर व तालुक्यातील बौध्द बांधवांच्यावतीने या घटनेचा निषेध करण्यासाठी सांगोला तहसील कार्यालयावर भव्य निषेध मोर्चा काढण्यात येणार आहे.

तसेच सांगलीच्या मिरज तालुक्यातल्याबेडग येथील दलित समाजाकडून डॉक्टर " बाबासाहेब आंबेडकर यांची स्वागत कमान उभारण्यात येत होती. 

बेडग ग्रामपंचायतीने कमान बांधण्यासाठी परवानगी देखील दिली होती. मात्र १६ जून रोजी कामन बेकादेशीर 1 असल्याचं ठरवत, ग्रामपंचायतानी बांधकाम सुरू असलेली कमान पाडून टाकली. 

यानंतर जिल्ह्यातील आंबेडकर प्रेमींनी याला विरोध केला 1 होता. बांधकाम पाडल्यानंतर गावात तणावाचे वातावरण देखील निर्माण झाले होते. कमान पाडणाऱ्या सरपंचासह संबंधितांवर कारवाई करण्याच्या मागणीसाठी जाहीर निषेध मोर्चा काढण्यात येणार आहे.

तरी सांगोला तालुक्यातील बहुजन समाज बांधवांनी सरकारला जाग आणण्यासाठी या १ निषेध मोर्चात हजारोंच्या संख्येने सहभागी होऊन घडलेल्या घटनेचा निषेध नोंदवावा असे आवाहन करण्यात आले आहे.