लाईफ कोच सचिन मागाडे यांचा राज्यस्तरीय पुरस्काराने सन्मान

लाईफ कोच सचिन मागाडे यांचा राज्यस्तरीय पुरस्काराने सन्मान

मनुष्यबळ विकास लोकसेवा अकादमी, मुंबई यांचेतर्फे आयोजित राज्यस्तरीय गुणिजन गौरव महासंमेलनामध्ये श्री. सचिन प्रकाश मागाडे यांना राज्यस्तरीय आदर्श युवा -

 महाराष्ट्र युथ आयडॉल हा पुरस्कार देऊन सन्मानित करण्यात आले. लोकांना मानसिक आधार देऊन त्यांच्या जीवनात सकारात्मक बदल करण्याचे त्यांचे कार्य हे लोकोपयोगी व नाविन्यपूर्ण आहे. 

राष्ट्रीय व आंतरराष्ट्रीय ख्यातीच्या गुरूंकडून ज्ञान ग्रहण करून आज सचिन मागाडे प्रमाणित लाईफ कोच, कौन्सिलर, एन.एल.पी. प्रॅक्टीशनर आहेत. मनःस्पर्श माईंड इन्स्टिट्यूटची स्थापना करून ते लाईफ कोच व समुपदेशक म्हणून 

सांगोला सोबतच ऑनलाईन माध्यमातून संपूर्ण महाराष्ट्रात विविध विषयांवर सेमिनार व कार्यशाळा घेतात जसे की, आपले जीवन परिपूर्ण क्षमतेने व नव्या उमेदीने जगण्यासाठी  हॅप्पी लाईफ प्रोग्राम, मुलांच्या उत्तम संगोपनासाठी  स्मार्ट पॅरेंटींग, निकोप सहजीवन व सुखी दाम्पत्य जीवनासाठी रब ने बना दी जोडी,

 विद्यार्थ्यांसाठी  मेमरी पॉवर तसेच डी.एम.आय.टी या आधुनिक टेस्टद्वारे करिअर समुपदेशन, पालक-पाल्यासाठी समुपदेशन, वैयक्तिक समुपदेशन व वैवाहिक समुपदेशनाच्या माध्यमातून लोकांना प्रेरणा देण्याचे कार्य करतात.

सध्याच्या धावपळीचा परिणाम व्यक्तीच्या मानसिकतेवर होत आहे अशा परिस्थितीत खचलेल्या व्यक्तींना प्रेरणा देण्याचे काम हा युवक गेल्या ५ वर्षापासून करीत आहे 

म्हणूनच आजच्या युवकांसाठी तो एक आदर्श आहे. व्यक्तीच्या विचार, भावना, वर्तन, धारणा यांना योग्य दिशा देऊन 

त्याच्या जीवनात सकारात्मक परिवर्तन घडविण्यासाठी व अंतर्मनाच्या अफाट शक्तीचा वापर करून व्यक्तीची स्वप्ने, 

ध्येये पूर्ण करण्यासाठी त्याला सामर्थ्यवान बनविण्यासाठी कार्यरत आहे म्हणून त्यांना हा पुरस्कार देण्यात आला आहे त्यांच्या भावी वाटचालीसाठी शुभेच्छा...