सां.न.पा.चे मुख्याधिकारी यांच्या गलथान कारभार बाबत दि.१५ ऑगस्ट २०२३ रोजी पासून आझाद मैदान मुंबई येथे आमरण उपोषण करणार ; उमेश मंडले

 सां.न.पा.चे मुख्याधिकारी यांच्या गलथान कारभार बाबत

दि.१५ ऑगस्ट २०२३ रोजी पासून आझाद मैदान मुंबई येथे आमरण उपोषण करणार ; उमेश मंडले

सांगोला प्रतिनिधी ; सांगोला नगरपरिषदेच्या मालकीच्या असणाऱ्या सर्व आरक्षण मध्ये अनेक गाळेधारकांनी लिलाव मधील शर्ती व अटींचा भंग करून आपल्या गाळ्यात पोटभाडेकरू ठेवले आहेत. 

अनेक गाळेधारक/पोटभाडेकरू यांनी न.पा.प्रशासनाची कोणत्याही प्रकारची परवानगी न घेता गाळ्याचे पाडकाम अस्थावेस्थ बांधकाम केले आहे. अनेक गाळेधारकांनी वहातुकीस अडथळा निर्माण करून रोडवर व पादचारी मार्गावर अतिक्रमणे केली आहेत.

अनेक गाळेधारकांनी मोठमोठे डिजिटल बोर्ड लावले आहेत.शहराचे विद्रुपीकरण केले आहे. न.पा.च्या मालकीच्या शेकडो व्यापारी गाळ्याचे लिलाव गेल्या अनेक वर्षांपासून झाले नाहीत. त्यामुळे न.पा.प्रशासनाचे मोठे आर्थिक नुकसान झाले आहे.

तरीही या सर्व प्रकाराकडे सांगोला नगरपरिषद प्रशासन जाणीव पुर्वक दुर्लक्ष करत आहे. न पा प्रशासनाने हातावर पोट असणाऱ्या, रोडवर ठेला लावून आपल्या कुटुंबाचा उदरनिर्वाह करणाऱ्याची अतिक्रमणे हटवण्याचा चंग बांधला आहे. मग या गाळेधारकांनी केलेले अतिक्रमणे ही न.पा.प्रशासन काढणार का ? असा सवाल उपस्थित केला जात आहे.

सांगोला शहरातील शिवाजी चौक, नेहरू चौक,जुनी भाजी मंडई, जयभवानी चौक,नवीन भाजी मंडई तहसील कार्यालयासमोरील नगरपरिषदेच्या मालकीच्या व्यापारी गाळ्यांच्या समोर  गाळेधारकांनी वहातुकीस अडथळा निर्माण करून, पादचारी मार्गावर न पा प्रशासनाच्या नाकावर टिच्चून मोठ्या प्रमाणावर अतिक्रमणे केली आहेत.

या सर्व गाळेधारकांनी गेल्या अनेक वर्षांपासून केलेली अतिक्रमणे न.पा. प्रशासनाने जाणीव पुर्वक काढली नाहीत ,उलट या गाळेधारकांना न.पा. प्रशासनाने पाठीशी घालण्याचे काम केले आहे.

सांगोला नगरपरिषदेचे नवनियुक्त मुख्याधिकारी साहेब यांनी शहरातील वहातुकीस अडथळा निर्माण करणारी अतिक्रमणे हटवणार असल्याचा निर्धार केला आहे.पण गाळेधारकांनी गेल्या अनेक वर्षांपासून केलेली अतिक्रमणे व लिलाव मधील अटीचा भंग करून गाळे पोटभाड्याने दिलेले

 असताना मुख्याधिकारी साहेब यांनी त्यांच्यावर कोणत्याही प्रकारची कारवाई केली नाही.त्यामुळे न.पा.प्रशासनाच्या विरोधात येत्या १५ ऑगस्ट २०२३ रोजी आझाद मैदान मुंबई येथे आमरण उपोषण करणार असल्याची माहिती उमेश मंडले यांनी दिली आहे.