सांगोला शहरातील इतिहासकालीन असणार्‍या वेशीला चिटकलेली अतिक्रमणे सांगोला नगरपालिका प्रशासन काढणार का?नगरपालिका प्रशासन गोरगरीबासारखीच धनदांडग्याची अतिक्रमणावर कारवाई करणार का?

सांगोला शहरातील इतिहासकालीन असणार्‍या वेशीला चिटकलेली अतिक्रमणे सांगोला नगरपालिका प्रशासन काढणार का?

नगरपालिका प्रशासन गोरगरीबासारखीच धनदांडग्याची अतिक्रमणावर कारवाई करणार का?

सांगोला/प्रतिनिधीःसांगोला शहरातील महापुरूषांच्या पुतळ्याभोवती असणारे अतिक्रमणावर ज्याप्रमाणे कारवाई करण्यात आली त्याप्रमाणे इतिहासकालीन वैभव असणार्‍या 

सांगोल्याच्या वेशीला चिटकलेली अनाधिकृत अतिक्रमणावर नगरपालिका प्रशासन कारवाई केंव्हा करणार अशी चर्चा सांगोला शहरातील इतिहासप्रेमी यांच्याकडून होताना दिसून येत आहे.

सांगोला नगरपालिका प्रशासनाने फकत सांगोला शहरातील काही लोकप्रतिनिधींच्या आंदोलनाच्या तक्रारीवरती प्रशासन अ‍ॅक्शनमोड मध्ये येवून सांगोलामधील फकत गोरगरीब, कष्टकरी, हातमजुरांची ज्यांचे हातावरील पोट आहे. 

रोज कष्ट केल्याशिवाय त्यांच्या घरची चुल पेटणार नाही फकत अशाच लोकांवरती नगरपालिका प्रशासनाने आपल्या अतिक्रमणाचा कारवाईचा जेसीबी चालविला मात्र धनदांडगे नागरीकांवर प्रशासन मात्र कारवाई करताना

 चालढकलपणा, वेळकाढूपणा करीत असल्याचे स्पष्टपणे दिसत आहे. सांगोला शहरातील फक्त रस्त्यावरील अतिक्रमणच नगरपालिकेला दिसत असेल

 तर, स्वतः सांगोला नगरपालिकेच्या मालकीचे असणारे गाळे हे नगरपालिकेने त्यांना भाड्यातत्वावर न देता त्यांनाच विकले

 असल्यासारखे गाळेधारकांकडून आपल्या मनमर्जीप्रमाणे, नगरपालिकेला कसल्याही प्रकारे न जुमानता कोणतीही कसल्याही प्रकारची परवानगी न घेता पाहिजे 

त्याप्रमाणे त्या गाळ्यांमध्ये तोडफोड, आपले गाळे दुसर्‍यांना पोटभाडेकरूंना देवून त्यांच्याकडून मोठ्याप्रमाणात रक्कम घेवून नगरपालिकेला नाममात्र भाडे देताना दिसत आहे. 

मात्र या सर्व गोष्टी नगरपालिकेच्या नियमबाह्य असताना देखील नगरपालिका प्रशासन मात्र यावर कोणतीही कठोर कारवाई करताना दिसत नाही. अनेक गाळेधारकांचे कालावधी संपलेला असताना देखील नगरपालिका त्यांना वारंवार मुदतवाढ देत आहे. 

मात्र या गोरगरीबांवर कारवाई करताना त्यांना पर्यायी जागा न देता त्यांना मुदतवाढ पण न देता तात्काळ  कारवाई करण्याची तत्परता दाखवण्यात आली.

  सांगोला नगरपालिकेच्या फंडातून लाखो रूपये खर्च करून उभे केलेले गाळे नाममात्र भाडे घेवून त्यांना नगरपालिकेने कायस्वरूपीप्रमाणे जर गाळे दिले असतील तर कसल्याही प्रकाराची

 नगरपालिकेची गुंतवणुक न करता रोजचे वीस रूपये प्रमाणे भाडे आकरणार्‍या नगरपालिकेला हे रस्त्यावर व्यवसाय करणारे वर्षासाठी 7300 रूपये च्या आसपास हे त्यांच्याकडून वसुल केले जात असतील

 तर आज 250 ते 300 रस्त्यावरील व्यवसाय करणार्‍यांवर कारवाई करून नगरपालिकेच्या फंडात जमा होणारे लाखो रूपयांचे नुकसान झाले आहे. 

राजकीय हेतू साध्य करण्यासाठी गोरगरीबांची भाकरी ओरबडणार्‍यांचे ऐकून प्रशासनाने केलेली अतिक्रमणाची कारवाईवर सर्वच सांगोला शहरातील सुज्ञ नागरीकांतून नाराजीचा सूर उमटत आहे. 

सांगेाला नगरपालिका प्रशानाने कोणत्याही प्रकारच्या दबावाला बळी न पडता सर्वांना एकच न्याय प्रमाणे कारवाई करावी व या रस्त्यांवरील व्यवसायधारकांना पर्यायी जागा देखील लवकरावत लवकर उपलब्ध करून द्यावी अशी मागणी सर्व व्यवसायधारकांतून होत आहे.