मंगळवेढयाचे नवनियुक्त तहसीलदार मदन जाधव स्विकारला कार्यभार जनतेच्या कामांना प्रथम प्राधान्य देणार..
मंगळवेढयाचे नवनियुक्त तहसीलदार मदन जाधव यांनी स्विकारला कार्यभार; त्यांच्यापुढे असणार ‘हे’ आव्हाने
मंगळवेढयाचे नवनियुक्त तहसीलदार मदन जाधव यांनी आपल्या पदाचा कार्यभार नुकताच स्विकारला असून येथील जनतेच्या कामांना प्रथम प्राधान्य देणार असल्याचे त्यांनी प्रसार माध्यमांशी बोलताना सांगितले.
दरम्यान, येथे लाच लुचपत विभागाने धाडी टाकल्यामुळे येथील प्रशासन कारभार स्वच्छ करण्याचे नवीन तहसीलदारांपुढे मोठे आव्हान आहे.
तत्कालीन तहसीलदार स्वप्नील रावडे यांची बदली कोल्हापूर येथे झाल्याने त्यांचे रिक्त जागेवर आमदार बच्चू कडू यांच्या अचलपूर (जि.अमरावती) मतदार संघातून मदन जाधव हे येथे आले आहेत.
त्यांचे मूळ गाव सांगली जिल्हयातील खरसुंडी हे असून ते सन 2013 मध्ये महाराष्ट्र लोकसेवा आयोगाकडून घेण्यात आलेल्या
परिक्षेत त्यांची तहसीलदारपदी निवड झाली आहे.त्यांनी आत्तापर्यंत देऊळगांवराजा जि.बुलढाणा, लोणार, सांगली आदी ठिकाणी सेवा बजावली आहे.
नवनियुक्त तहसीलदार यांनी अनेक प्रकरणामुळे बदनाम झालेले महसूल खाते पारदर्शी कारभार करून भविष्यात महसूल विभागाला लाचेचा डंक लागणार नाही असे कार्य करून दाखवावे अशा येथील नागरिकांच्या भावना आहेत.
दरम्यान, चोरटी वाळू, पुनर्वसन, आदी प्रमाणावर त्यांना वचक ठेवावा लागणार आहे.
0 Comments