जुन्या दोस्तांनाची नव्याने सुरू झाली मैत्री ! पंढरपूरच्या राजकारणात मनसेचे दिलीप धोत्रे आता अभिजीत पाटील यांच्या साथीला

 जुन्या दोस्तांनाची  नव्याने सुरू झाली मैत्री ! पंढरपूरच्या राजकारणात मनसेचे दिलीप धोत्रे आता अभिजीत पाटील यांच्या साथीला

प्रतिनिधी/- पंढरपूर 

स्व.आ. भारत भालके हयात असल्यापासून मनसेचे दिलीप धोत्रे यांनी विठ्ठल परिवार एकसंघ रहावा यासाठी प्रयत्न सुरू ठेवले होते.

 आ  भारत भालके यांच्या निधनानंतरही झालेल्या पोट निवडणुकीत भगीरथ भालके यांच्यासाठी वाटेल ते करून दाखविले होते. हा सर्व खटाटोप केवळ परिचारक यांना विरोध दाखविण्यासाठी होता. 

अशातच या विचाराची कुठ तरी घुस्मटदाबी होतेय हे लक्षात आल्याने मनसेचे दिलीप धोत्रे यांनी अभिजीत पाटील यांच्या जुन्या दोस्तांनाची  नव्याने मैत्री सुरू केली आहे.

पंढरपूरच्या राजकारणात मनसेचे दिलीप धोत्रे अभिजीत पाटील यांच्या साथीला अशी राजकीय परिस्थिती सध्या पंढरपूर तालुक्याच्या राजकारणात झाली आहे.

पंढरपूर नगरपालिका निवडणूक मोठ्या ताकदीने लढविण्यासाठी मागील तीन वर्षांपासून धोत्रे यांनी मोठा खर्च केला आहे. अनेकांना मदत केली आहे.

यामुळे दिलीप धोत्रे यांचे नाव पंढरीच्या प्रत्येकाच्या घरात पोहचलं आहे. विठ्ठलचे चेअरमन अभिजीत पाटील यांनीही पंढरपूर शहरात भले मोठे कार्यक्रम घेऊन आपलेही नाव पोहचविले आहे. 

यामुळे या दोन दिग्गज नेत्यांनी आता एकत्रित येत परिचारक यांच्यापुढे मोठ आव्हान उभे करण्यासाठी एकत्रित येण्याचा निर्णय घेतला आहे. याचा प्रभावही चांगला दिसून येणारं आहे

जवळच आलेल्या पंढरपुर कृषी उत्पन्न बाजार समितीमध्ये परिचारक यांच्या विरोधात अभिजीत पाटील आणि मनसेचे २ उमेदवार आणि बळीराजा शेतकरी संघटनेचा १उमेदवार विरोधात उभे होते. विरोधी गटात मत विभाजनी होऊ नये यासाठी मनसेच्या २

 उमेदवारांनी अभिजीत पाटील यांच्या पॅनलला जाहीर पाठिंबा दिला असल्याचे मनसेचे नेते दिलीप धोत्रे यांनी जाहीर केले. तसेच बळीराजा शेतकरी संघटनेचा उमेदवार अभिजीत पाटील यांच्या पॅनेलमध्ये सहभागी झाले आहेत.

 इथून पुढे सर्व मनसे सैनिक विठ्ठल साखर कारखान्याचे चेअरमन अभिजीत पाटील यांच्यासोबत कायम काम करणार असल्याचे मनसेचे शाॅडो मंत्री दिलीप धोत्रे यांनी सांगितले.

कृषी उत्पन्न बाजार समितीच्या निवडणुकीमध्ये अभिजीत पाटील यांनी स्वतंत्र पॅनल उभा केल्यामुळे सत्ताधारी परिचारक पॅनलला गावोगावी जाऊन प्रचार सभा घ्याव्या लागत आहेत.  

कृषी उत्पन्न बाजार समिती साठी अभिजीत पाटील यांच्या पॅनलने १२ उमेदवार उभे केले आहेत मनसेने दोन उमेदवार उभे केले होते मनसेच्या शशिकांत पाटील आणि अनिल बागल या दोघांनी 

अभिजीत पाटील यांच्या पॅनलला जाहीर पाठिंबा दिला आहे तसेच बळीराजा शेतकरी संघटनेचे  रमेश पवार हे अभिजीत पाटील यांच्या पॅनलमध्ये सहभागी झाले आहेत.

यावेळी मनसेचे नेते दिलीप धोत्रे, माजी नगराध्यक्ष सुभाष भोसले, स्वेरीचे संस्थापक अध्यक्ष बीपी रोंगे सर, धाराशिव साखर कारखान्याचे कार्यकारी संचालक अमर पाटील, मल्टीस्टेटचे चेअरमन महादेव तळेकर, 

शेतकरी संघटनेचे जिल्हाध्यक्ष तानाजी बागल, तालुकाध्यक्ष सचिन पाटील,  बळीराजा शेतकरी संघटनेचे नेते माऊली जवळेकर, विठ्ठलचे संचालक धनंजय काळे, आनंद पाटील, नंदकुमार बागल, मधुकर मोलाने, यासह आदी मान्यवर उपस्थित होते.