वामनराव शिंदेसाहेब आदर्श विद्यालयात मिलिंद पत्की यांचे व्याख्यान संपन्न.

 वामनराव शिंदेसाहेब आदर्श विद्यालयात मिलिंद पत्की यांचे व्याख्यान संपन्न.

सांगोला (प्रतिनिधी)दहावीच्या परीक्षेचा ताण व भिती विद्यार्थ्यांना वाटत असते. व आपण पुरेसा अभ्यास केला नसल्याची खंतही त्यांना अस्वस्थ करत असते. त्यामुळे शेवटच्या कालावधीत मनाची एकाग्रता होत नाही व याचा अभ्यासावर परीणाम होतो. असे प्रतिपादन आर्ट ऑफ लिविंगचे ज्येष्ठ शिक्षक मिलिंद पत्की यांनी केले.

वामनराव शिंदे साहेब आदर्श विद्यालयात विद्यार्थ्यांसाठी आयोजित करण्यात आलेल्या ताण तणावातून मुक्तता व बोर्ड परीक्षेला सामोरे जाताना व्याख्यान कार्यक्रमात ते बोलत होते

 यावेळी व्यासपीठावर संस्था सचिव नीलकंठ शिंदे सर ,मुख्याध्यापक रमेश पवार उपस्थित होते. सुरुवातीला मुख्याध्यापक रमेश पवार सर यांनी मिलिंद पत्की यांचे स्वागत केले. यावेळी श्री पत्की यांनी विद्यार्थ्यांना मार्गदर्शन करून प्रात्यक्षिके करून दाखवली.

हे सर्व टाळण्यासाठी मन स्थिर करुन एकाग्रता कशी वाढवायची व शरीरातील उर्जापातळी कशी उंचवायची याचे श्र्वासावर आधारीत तंत्र व ध्यान विद्यार्थ्यांना सोप्या सहज पध्दतीने शिकवले. त्यामुळे विद्यार्थी लगेच फ्रेश व उत्साही झाले.कार्यक्रमाचे प्रास्ताविक मुख्याध्यापक रमेश पवार सर यांनी केले . यावेळी प्रशालेतील शिक्षक शिक्षकेतर कर्मचारी व  विद्यार्थी उपस्थित होते.