महिला ऊसतोड कामगारांची स्वतंत्र नोंदणी होऊन ओळखपत्र मिळावे - बापूसाहेब ठोकळे

 सांगोला :- महिला ऊसतोड  कामगार संघटनेच्या माध्यमातून सामाजिक न्याय व विशेष सहाय्यक विभाग अंतर्गत लोकनेते गोपीनाथ मुंडे ऊसतोड कामगार महामंडळ स्थापन झालेले आहे.

 याचे शासन स्तरावरून निर्देश देण्यात आलेले आहे. महिला किसन अधिकार मंच महाराष्ट्र २०१७ पासून महिला ऊसतोड कामगारांच्या प्रश्नांवर काम करत आहे. शासनाकडे त्यांचे प्रश्न मांडण्याचे प्रयत्न करीत आहे या अंतर्गत महिला ऊसतोड कामगारांना कामगार म्हणून मान्यता मिळवण्यासाठी ही संस्था कार्यरत आहे.

 ऊस तोडीच्या वेळेस महिला जवळपास ५०% जबाबदारी उचलतात, त्याचबरोबर त्यांच्यावर घराच्याही जबाबदारी असतात, पुरुषांच्या बरोबरीने ऊस तोडीचे काम करूनही महिलांना मात्र स्वतंत्र ऊसतोड कामगार मानले जात नाही.

 तर केवळ ऊसतोड कामगाराची पत्नी म्हणून बघितले जाते हा दृष्टिकोन बदलण्यासाठीच त्यांची स्वतंत्रपणे नोंदणी झाल्यास व स्वतंत्र कामगार म्हणून ओळखपत्र मिळाल्यास त्यांच्यावरील अन्याय दूर होऊ शकतो. याची दखल घेवून २०२१ रोजी

 सामाजिक न्याय व विशेष सहाय्य विभागामार्फत राज्यातील ऊसतोड कामगारांची नोंदणी होऊन त्यांना ओळखपत्र देण्याबाबत जिल्हास्तरीय स्थापन करण्याचे निर्देश देण्यात आलेले आहेत. ऊसतोड कामगारांचा एजन्सीकडून सर्वे करून नोंदणी करून घेण्यासाठी दीड लाख एवढी रक्कम निर्धारित करण्यात आली आहे.

 तरी सर्व जिल्ह्यांमध्ये नोंदणी प्रक्रिया सुरू होणे गरजेचे आहे. तरी ही प्रक्रिया लवकरात लवकर सोलापूर जिल्ह्यात पण सुरू करण्यात यावी व ऊसतोड महिला कामगारांना न्याय मिळावा असे बापूसाहेब ठोकळे म्हणाले