श्री नागन्नाथ घोरपडे यांची राज्यस्तरीय “समाजरत्न ” पुरस्कारासाठी निवड 
सांगोला तालुक्यातील शिरभावी येथील नागन्नाथ दत्तात्रय घोरपडे यांची युवा पत्रकार असोसिएशन महाराष्ट्र राज्यतर्फे दिल्या जाणार्या राज्यस्तरीय “समाजरत्न ” २०२२ या पुरस्कारासाठी निवड झाली आहे . युवा पत्रकार असोसिएशन महाराष्ट्र राज्यतर्फे प्रत्येक वर्षी शैक्षणिक , सामाजिक , क्रीडा , सांस्कृतिक क्षेत्रात उल्लेखनीय कार्य करणार्या व्यक्तींना पुरस्कार देऊन सन्मानित करण्यात येते . नागन्नाथ घोरपडे हे मागील काही वर्षांपासून शैक्षणिक व सामाजिक क्षेत्रात कार्य करत आहेत .
तसेच ते मॅनेजर , व्यवस्थापक , सहाय्यक शिक्षक , पत्रकार , सोलापूर जिल्हा प्रमुख , महाराष्ट्र राज्य पत्रकार कल्याण सेवाभावी संस्था सांगोला तालुका अध्यक्ष या सर्व पदांवर्ती कार्य करत आहेत . याची दखल घेऊन युवा पत्रकार असोसिएशन महाराष्ट्र राज्य यांनी त्यांची राज्यस्तरीय “समाजरत्न” २०२२ या पुरस्कारासाठी निवड केली आहे . तसेच हा पुरस्कार प्रमुख पाहुण्यांच्या हस्ते छत्रपती राजर्षी शाहू स्मूर्ती भवन दसरा चौक कोल्हापूर येथे दिनांक १० डिसेंबर २०२२ रोजी सकाळी ११.०० वाजता देण्यात येणार आहे .
अशी माहिती अस्लम नदाफ यांनी दिली आहे . राज्यस्तरीय “समाजरत्न” पुरस्कारासाठी निवड झाल्याबद्दल त्यांना युवा पत्रकार असोसिएशन महाराष्ट्र राज्यतर्फे शुभेच्छा देण्यात आल्या आहेत . तसेच विविध स्तरातून त्यांचे कौतुक केले जात आहे व त्यांच्यावरती अभिनंदनाचा वर्षाव होत आहे .
0 Comments