मोबाईल चार्जरच्या वायरने गळा आवळून केली हत्या...

 मोबाईल चार्जरच्या वायरने गळा आवळून केली हत्या...

नाशिक शहरात एक धक्कादायक घटना घडली आहे . रिजवान पठाण हा नाशिक शहरातील वडाळा परिसरात पत्नी व दोन मुलांसह वास्तव्यास आहे. रिजवान पठाण हा पत्नी नाज पठान हिला चारित्र्याच्या संशयावरून वारंवार मारहाण करत असत. परंतु आपल्या दोन मुलांच्या भविष्याचा विचार करून पत्नी निनाद पठान हे पतीचा अन्याय सहन करत होती. 

परंतु काल दुपारी पती-पत्नीच्या वादाचे रूपांतर मोठ्या भांडणात झाले. यावेळी पती रिजवान याने पत्नी निनाद हिला बेदम मारहाण केली. पति  रिजवान याला राग अनावर न झाल्याने  पत्नी  निनाद हिचा मोबाईल चार्जरच्या वायरच्या साह्याने गळा आवळून हत्या केल्याची घटना घडली आहे.

 या प्रकरणाची माहिती इंदिरानगर पोलिसांना मिळताच घटनास्थळी पोलिसांनी येऊन आरोपी रिजवान पठाण याला अटक करण्यात आली असून गुन्हा दाखल करण्यात आला आहे. या घटनेने परिसरात एकच खळबळ उडाली आहे. माझे वडील आईला एका रूममध्ये नेऊन कायम मारहाण करत असत, 

मी आणि माझी बहीण सोडविण्यास गेले असता आम्हाला जीवे मारण्याची धमकी दिल्यामुळे आई कायम दडपणाखाली राहायचे, अशी माहिती पठाण यांच्या लहान मुलांनी पोलिसांना  दिली. या प्रकरणाचा पुढील तपास पोलीस प्रशासन करत आहेत.