भिकाऱ्यांनी उघडली स्वतःची ‘बँक’, बँकेत जमा पैशांवर व्याजही देणार..
भारतातील लोक सामान्यपणे आपली कमाई बँकांमध्ये ठेवत असतात. सुरक्षित असल्या कारणाने बँकेत आपण पैसे जमा करत असतो पण कधी तुम्ही ऐकलंय का भिकाऱ्यांचीही बँक असू शकते? देशातील एका ठिकाणी भिकाऱ्यांनी देखील बँकेत जाऊन व्यवहार केल्याचं समजतंय. विशेष म्हणजे ही बँक भिकाऱ्यांचीच बँक
बिहारच्या मुजफ्फरपुरमध्ये भिकाऱ्यांनी भिकाऱ्यांसाठी बँक सुरु केली आहे. बिहारच्या मुझफ्फरपूरमध्ये भिकाऱ्यांनी स्वतःची अनोखी ‘बँक’ उघडली असून भिकारी त्यांना भिक्षा म्हणून मिळालेले पैसे ते या बँकेत येथे जमा करतात. बँकेत जमा पैशांवर बँक व्याजही देते. जर भिकाऱ्यांना पैशाची गरज पडली तर तेव्हा भिकाऱ्यांना कर्जदेखील दिले जाते.
मिळालेल्या माहीतीनुसार, बिहारमधील या बँकेत भिकाऱ्यांचीच खाती नाहीयेत तर ज्यांची आर्थिक परिस्थिती चांगली नसते असे भिकाऱ्यांशिवाय हातगाडी चालवणारे, फेरीवाले आणि रिक्षावाल्यांचंही खातं आहे. या बँकेच्या कामकाजाची प्रक्रियाही ठरलेली आहे. 175 भिकाऱ्यांनी पाच स्वतंत्र बचत गट स्थापन केले आहेत. बँकेचा हा बचतगट दर रविवारी वेगवेगळ्या ठिकाणी भेटत असतो. बैठकीमध्ये भविष्यामध्ये कोणत्या योजनांवर काम होणार, यासाठी नियोजन करत असतो. भिकाऱ्यांशिवाय, या गटाचे सदस्य आर्थिकदृष्ट्या दुर्बल घटकातील लोक देखील आहेत.
इतर व्यवस्थापक, कॅशियर, सचिव, एजंट आणि सभासद हे बँकेचा कारभार सांभाळतात. विशेष म्हणजे या अनेक पदांवर ज्या व्यक्ती आहेत, त्या देखील व्यवसायाने भिकारीच आहेत. बँकेची कार्यपद्धती आणि दररोज चालणारा कारभार समजेल इतपत त्यांना शिकवण्यात आलं आहे. सभासदांना गरजेनुसार बँकेतर्फे आर्थिक मदत देण्यात येतं. या बँकेमार्फत छोटे-मोठे कर्ज पुरवले जाते, अशी माहीती आहे.
क्षेत्र समन्वयक निपेंद्र कुमार यांनी माहीती दिली की, या बँकेची माहिती मिळताच आता सरकारकडूनही मदत मिळणार आहे. विशेष कर्जे आणि सार्वजनिक क्षेत्रातील बँकांमध्ये गट खाती उघडण्याच्या प्रक्रियेसाठी पुढाकार घेतला गेला ला आहे. मुख्यमंत्री भिक्षेवृत्ती योजनेंतर्गत मानसिक आरोग्य भिकाऱ्यांना आर्थिक कर्ज दिले जाते, जेणेकरून त्यांनी केवळ भीक न मागता त्यांची आर्थिक परिस्थिती सुधारावी म्हणून त्यांना भाजीच्या गाड्या, रिक्षा असे स्वतःच्या रोजगारासाठी व्यवसायाचे प्रयत्न करता येतील.
0 Comments