उजनीने केली शंभरी पार

 उजनीने केली शंभरी पार

पुणे जिल्ह्याचा पूर्व भाग व सोलापूर जिल्ह्याला वरदान ठरलेले उजनी धरणाने सध्या शंभरीचा टप्पा ओलांडला आहे.

धरण 100.56 टक्के झाले आहे. यामध्ये एकूण पाणीसाठा 117.53 टीएमसी झाला आहे.शुक्रवारी (ता.12) सकाळी उजनी धरणातून नदीपात्राच्या विसर्गात वाढ करण्यात आली असून उजनी धरणाचे 16 दरवाजे उघडून त्यामधून 21 हजार 600 क्यूसेक्स ने नदी पात्रात पाणी सोडण्यात आले.यामुळे नदी काठच्या गावांना सतर्कतेचा इशारा देण्यात आला आहे.

तसेच अजूनही सकाळी दौंडमधून 46 हजार 932 पेक्षा जास्त क्युसेकने पाणी धरणात येत आहे. यामुळे उजनी धरणातून अजून टप्प्याटप्प्याने विसर्ग वाढवण्याची शक्यता आहे यामुळे नदीकाठच्या गावांना अधिक सतर्कतेचा इशारा प्रशासनाच्या वतीने देण्यात आलेला आहे.

सोलापूर, नगर, पुणे जिल्ह्यातील शेती,उद्योगांसह नागरिकांची तहान भागविण्यात उजनी धरणाचा सर्वाधिक वाटा आहे. उस्मानाबाद शहरालाही उजनीतून पाणीपुरवठा केला जातो. त्यामुळे या भागातील शेती सुजलाम सुफलाम झाली आहे.

सध्या धरणातून नदीपात्रासह सीना-माढा उपसा सिंचन योजनेतून 259 क्युसेक विसर्गाने पाणी सोडण्यात आले आहे. भीमा-सीना जोड कालव्यातून (बोगदा) 800 क्युसेकने सीना नदीत पाणी सोडले आहे.तर मुख्य कालव्यातून 1500 क्युसेक्सने पाणी सोडण्यात आले