धक्कादायक प्रकार... एका युट्यूब पत्रकाराने प्रेयसीचा गळा चिरून केली हत्या..
पत्रकाराने केला प्रेयसीचा मर्डर
औरंगाबाद शहरात एक धक्कादायक घटना उघडकीस आली आहे. एका युट्यूब पत्रकाराने महिलेचा गळा चिरून हत्या केल्याची संताजनक घटना समोर आली आहे. शहरातील हडको कॉर्नर डिमार्टजवळ एका खोलीत महिलेची हत्या करून मृतदेह घेऊन जात असताना पोलिसांनी या नराधमाला ताब्यात घेतलं आहे. प्रेम प्रकरणातून ही हत्या झाली असल्याचं सांगण्यात येत आहे.
अंकिता श्रीवास्तव असं मृत महिलेचं नाव असून सौरभ लाखे असं आरोपीचं नाव आहे. तो एका स्थानिक युट्यूब चॅनेलचा पत्रकार असल्याचे समजते.
दोन दिवसाअगोदर खून करुन मृतदेह खोलीतच कोंडून ठेवला होता. या घटनेने परिसरात एकच खळबळ उडाली आहे.
आज सकाळी हा तरुण मृतदेह एका कारमधून घेऊन पसार झाला. तरुणी ही जालना जिल्ह्यातून एमपीएससी, यूपीएससी स्पर्धा परिक्षेचा अभ्यास करण्यासाठी औरंगाबाद शहरामध्ये आलेली होती. मात्र, एका युट्युब चॅनलच्या पत्रकाराने या तरुणीचा खून केला. तसेच यानंतर खुनी पत्रकाराने पोलीस ठाण्यात जाऊन आणि पत्रकारांच्या व्हाट्सअप ग्रुपवर याबाबक माहिती पाठवून खुनाची कबुली दिली आहे. आरोपी खुनी पत्रकाराने औरंगाबाद ग्रामीणमधील देवगाव रंगारी पोलीस ठाण्यात खुनाची कबूल दिली.
या दोघांची एंगेजमेंट झाली असल्याची चर्चा आहे. मात्र, याबद्दल सविस्तर माहिती आलेली नाही. तर हा खून प्रेम प्रकरणातून झाला असावा, अशी शंका शेजारी आणि आजूबाजूला राहणारे नागरिक व्यक्त करत आहेत. खून झालेल्या तरुणीचा आणि आरोपी तरुणाचा सोबत असलेला फोटो या दोघांची चांगलीच जवळील असल्याचे सांगून जातो.
अंकिता असे या तरुणीचे नाव होते, तसेच ती जालना येथील रहिवाशी असल्याची माहिती तिने दिली होती, असे शेजारच्या महिलेने सांगितले. ती एकटीच राहत होती. आम्ही वर राहत होतो. ती खाली राहत होती. एक दोनदा या तरुणाला तिकडे पाहिले होते. तसेच ती सोमवारी पासून त्या तरुणीला पाहिले नाही. सकाळी साडेनऊ ते दहा वाजेच्या सुमारास तो तिचा मृतदेह घेऊन जाताना दिसला, अशी माहिती येथील शेजारील महिलेने दिली आहे.
तसेच ही घटना तीन-ते चार दिवसांपूर्वी घडली असावी, असा अंदाज या शेजारील महिलेने व्यक्त केला आहे. कालपासून या घरात वास येत होता. सकाळी दरवाजा उघडायला आले, तेव्हा त्याठिकाणी मोठ्या प्रमाणात माशा दिसत होत्या. तसेच या तरुणावर त्यांना संशय आल्यावर त्यांनी त्याला थांबवून त्याची संवाद साधायचा प्रयत्न केला. मात्र, त्याने उडवाउडवीची उत्तरे दिली आणि तेथून त्याने पोबारा केला, असेहीत्यांनी सांगितले.
लग्नाचा तगादा?
प्राथमिक माहितीनुसार, सौरभ आणि अंकिता यांचे प्रेमप्रकरण असून सौरभ हा विवाहित होता. मृत अंकिताने सौरभकडे लग्नाचा तगादा लावल्याने रागाच्या भरात त्याने महिलेचा गळा चिरून हत्या केल्याचं सांगण्यात येत आहे. विशेष बाब म्हणजे, हत्या केल्यानंतर सौरभ याने महिलेचा मृतदेह गाडीतून घेऊन निघाला असताना देवगाव पोलिसांनी त्याला पकडले.
व्हॉट्सअप ग्रुपवर टाकली माहिती
सौरभ हा पत्रकार असून त्याने महिलेची हत्या केल्यानंतर मी हत्या केली असल्याची माहिती पत्रकार आणि पोलिसांच्या ग्रुपवर टाकली. त्यानंतर आपण देवगाव रंगारी पोलीस ठाण्यात शरण जात असल्याची माहितीसुद्धा ग्रुपवर टाकली.
0 Comments