महाराष्ट्र हादरला ; अल्पवयीन मुलीवर 6 जणांनी केला अत्याचार
औरंगाबाद जिल्ह्यातील कन्नड तालुक्यात एका अल्पवयीन मुलौवर सामूहिक बलात्कार झाल्याची घटना उघडकीस आली आहे . धक्कादायक म्हणजे , या नराधमांनी या मुलीची आधीही या मुलीची छेड काढली होती . मात्र , तिने तेव्हा दुर्लक्ष केल्याने या आरोपींनी तिच्यावर बलात्कार केला . दरम्यान , याप्रकरणी पोलिसांनी सर्व आरोपींच्या मुसक्या आवळल्या आहे .
एकीकडे आपण भारताच्या स्वातंत्र्याचा अमृत महोत्सव साजरा करत असताना अशी निंदनीय घटना घडली आहे . पीडित अल्पवयीन मुलगी गावालगतच्या शेतात मजुरी करते . तिच्या घरची परिस्थिती प्रतिकूल असल्याने तिला रोजंदारी करावीलागते . आज दुपारी ती शेतात मजुरीसाठी जात असताना सहा आरोपींनी तिला रस्त्यात अडवलं आणि निर्जनस्थळी घेऊन जात आळीपाळीने तिच्यावर अत्याचार केला .
यानंतर आरोपींनी या मुलीला तिथेच ठेवले आणि पसार झाले . दरम्यान , घाबरलेल्या मुलीने घडलेला सर्व प्रकार तिच्या आईला सांगितला . त्यामुळे आईने तत्काळ कन्नड ग्रामीण पोलीस ठाण्यात यासंबंधित तक्रार दाखल केली . पोलिसांनीही या प्रकरणी तत्काळ कार्यवाही करून सहा आरोपींच्या मुसक्या आवळल्या . धक्कादायक म्हणजे या आरोपींपैकी एकजण अल्पवयीन आहे .
0 Comments