दिवसाढवळ्या व्यक्तीने पत्नीसह मुलीची हत्या करून केली, आत्महत्या!
बिहारची राजधानी पाटणा येथून एक धक्कादायक घटना समोर आली आहे. जिथे एका व्यक्तीने भररस्त्यावर दोन महिलांची दिवसाढवळ्या गोळ्या झाडून हत्या केली आणि त्यानंतर त्याने स्वतःवर गोळी झाडून आत्महत्या केली. एकापाठोपाठ तीन गोळीबाराच्या आवाजाने परिसरात भीतीदायक वातावरण निर्माण झाले आहे. लोकांनी रस्त्यावर पाहिले असता तीन मृतदेह पडलेले होते. त्या मृतदेहांजवळ बसून एक बाई जोरजोरात रडत होती.
अखेर ती व्यक्ती कोण होती, ज्याने आधी रस्त्यावर एकामागून एक दोन महिलांवर गोळ्या झाडल्या आणि नंतर आत्महत्या केली. वास्तविक, या प्रकरणातील मारेकऱ्याचे नाव राजीव होते आणि ज्या दोन महिलांना त्याने रस्त्यावर गोळ्या घालून ठार केले, ती राजीवची घटस्फोटित पत्नी शशी प्रभा आणि मुलगी संस्कृती होती.
मिळालेल्या माहितीनुसार, ही घटना पटनाच्या अनिसाबाद भागातील पोलीस कॉलनीतील आहे. राजीव नावाचा व्यक्ती एका माजी आयजीच्या घरात भाड्याने राहत होता. राजीव कुमार यांच्या पहिल्या पत्नीचा मृत्यू झाला होता, त्यानंतर त्यांनी त्यांची मेहुणी शशी प्रभा यांच्याशी लग्न केल्याचे तपासात समोर आले आहे. पण राजीवची दुसरी पत्नी शशीनेही काही काळानंतर त्याला घटस्फोट दिला.मुलगी संस्कृतीसोबतही राजीव कुमार यांचे नाते चांगले नव्हते, असे म्हटले जाते. त्यामुळेच मुलीला वडील राजीवसोबत राहायचे नव्हते. संपूर्ण कुटुंब विखुरलेले होत. याची काळजी राजीवला असायची.
पाटणाचे एसएसपी मानव जीत सिंह यांनी दिलेल्या माहितीनुसार, ही घटना गुरुवारी दुपारी घडली. जेव्हा राजीवने दोन खून केले आणि नंतर स्वतःला संपवले. ही संपूर्ण घटना तिथे लावलेल्या सीसीटीव्हीमध्ये कैद झाली आहे. ज्यामध्ये राजीवने आधी दोन महिलांच्या डोक्याजवळ एक-एक करून गोळ्या झाडल्याचे स्पष्ट दिसत आहे. त्यानंतर स्वत:च्या डोक्यात पिस्तुलीने गोळी झाडून आपले आयुष्य संपवले.
0 Comments