सांगोला महाविदयालयाच्या संगणक विभागातील विदयार्थ्यांची पुन्हा एकदा उंच भरारी

 सांगोला महाविदयालयाच्या संगणक विभागातील विदयार्थ्यांची पुन्हा एकदा उंच भरारी 

सांगोला (प्रतिनिधी) : सांगोला महाविदयालयातील संगणक विभागामधील विदयार्थ्यांची प्रती वर्षी प्रमाणे विविध राष्ट्रीय, आंतरराष्ट्रीय कंपनीत सॉफ्टवेअर कंपनीत नोकरीसाठी निवड झाली आहे. चालू शैक्षणिक वर्षात एकूण 93 विदयार्थ्यांची राष्ट्रीय,आंतरराष्ट्रीय कंपनीत निवड झाली आहे. त्यामध्ये टाटा कन्सल्टन्सी सर्व्हिसेस -47 विप्रो -17, कॅपजेमिनी-9,

अन्सेंचर-7, केपीआयटी-3, हेक्झावेअर-2, एचसीएल-1, एम्फसीस-1, मायक्रोडायनॅमिक-1, निओसाफट-1, प्रोडक्ट डोजिअर-1, इन्फोसिस-1, स्थापत्य- 1 या कंपन्यांमध्ये निवड झाली असून अजूनही काही कंपन्यांची निवड प्रक्रिया चालू असून त्यामध्ये अनेक विदयार्थ्यांची निवड होईल.

सदर विदयार्थी सांगोला महाविदयालयाच्या संगणक विभागातील बी.एस्सी.(ईसीएस)/ बी.सी.ए./बी.एस्सी.कॉम्प्युटर सायन्स या अभ्यासक्रमाच्या तृतीय वर्षात व एम.एस्सी. कॉम्प्युटर सायन्स या अभ्यासक्रमाच्या प्रथम व व्दितीय वर्षात शिक्षण घेत आहेत. शिक्षण घेत असतानाच नोकरीची संधी मिळाल्याने विदयार्थी व पालक वर्गात आनंदाचे वातावरण आहे. या निवड झालेल्या सर्व विदयार्थ्यांचा दि.26 एप्रिल 2022 रोजी संस्था व महाविदयालयाच्या वतीने पालकाच्या व सर्व विदयार्थ्यांच्या उपस्थितीत सत्कार करण्यात आला. या सत्कारामुळे प्रथम व व्दितीय वर्षातील विदयार्थ्यांना प्रेरणा मिळणार आहे. विदयार्थी मनोगतात विदयार्थ्यांनी संगणक विभागामार्फत मिळालेल्या मार्गदर्शनाचा नोकरी मिळविण्यासाठी फायदा झाला असे मत व्यक्त केले.

कार्यक्रमाचे प्रास्ताविक प्रा.सुर्यकांत पाटील यांनी केले. तर संस्थेचे अध्यक्ष बाबुराव गायकवाड यांनी सदर कार्यक्रमाचे अध्यक्षस्थान भूषविले तर प्रमुख पाहुणे म्हणून संस्थेचे उपाध्यक्ष प्रा.पी.सी.झपके उपस्थित होते. तसेच सदर कार्यक्रमास महाविदयालयाचे प्राचार्य डॉ.मधुसूदन बचुटे, संगणक विभागप्रमुख प्रा.राजकुमार ताठे, निवड झालेल्या विदयार्थ्यांचे पालक, संगणक विभागातील सर्व प्राध्यापक, विदयार्थी व कर्मचारी उपस्थित होते. या कार्यक्रमाचे आभार प्रदर्शन प्रा.गणेश पैलवान व सूत्रसंचालन प्रा.विशाल कुलकर्णी यांनी केले.