डॉ. नाना हालंगडे यांना उत्कृष्ट पत्रकार पुरस्कार जाहीर 
पत्रकारिता क्षेत्रात उत्तुंग आणि उल्लेखनीय कामगिरी करून आपण समाजातील अनेक प्रश्नांची सोडवणूक केल्याबद्दल हा पुरस्कार देण्यात येत असल्याचे निवड पत्रात नमूद करण्यात आले आहे.
सांगोला : विशेष प्रतिनिधी
सर्वसामान्यांचा बुलंद आवाज बनून निर्भिड आणि सडेतोड पत्रकारिता करणारे, सांगोला तालुक्यातील सुप्रसिध्द पत्रकार तथा थिंक टँक लाईव्ह या महाराष्ट्रात सर्वाधिक वाचल्या जाणाऱ्या न्यूज पोर्टलचे वरिष्ठ प्रतिनिधी, महा डिजिटल मीडिया असोसिएशनचे सांगोला तालुकाध्यक्ष डॉ. नाना हालंगडे यांना डॉ. बाबासाहेब आंबेडकर जयंती उत्सव समिती, वाणीचिंचाळे यांच्यातर्फे उत्कृष्ट पत्रकार पुरस्कार जाहीर करण्यात आला आहे.
या निवडीचे पत्र डॉ. नाना हालंगडे यांना नुकतेच प्राप्त झाले आहे. ३० एप्रिल रोजी सायंकाळी पाच वाजता तक्षशिला बुद्धविहार येथे मान्यवरांच्या हस्ते हा पुरस्कार प्रदान करण्यात येणार आहे.
पत्रकारिता क्षेत्रात उत्तुंग आणि उल्लेखनीय कामगिरी करून आपण समाजातील अनेक प्रश्नांची सोडवणूक केल्याबद्दल हा पुरस्कार देण्यात येत असल्याचे निवड पत्रात नमूद करण्यात आले आहे.
डॉ. नाना हालंगडे हे मागील 18 वर्षापासून पत्रकारिता क्षेत्रात कार्यरत आहेत. त्यांनी दैनिक सुराज्य, दैनिक पुढारी, दैनिक दिव्य मराठी यासह अन्य दैनिकात काम केले आहे. आपल्या पत्रकारितेच्या माध्यमातून त्यांनी समाजातील सर्वसामान्य घटकांना न्याय देण्याची भूमिका पार पाडली असून तालुक्यात परखड बातमीदार म्हणून त्यांची ओळख आहे.
सरकार दरबारी सत्याची बाजू लावून धरून त्यांनी सर्वसामान्यांची कामे मोठ्या प्रमाणात मार्गी लावलेली आहेत. त्यांच्या या बातमीदारीमुळे अनेकांना न्याय मिळाला आहे. अशा यासर्व बाबीमुळे त्यांची पुरस्कारासाठी निवड करण्यात आलेली आहे.
नाना हालंगडे यांनी डिकसळ येथे “भाईंची देवराई” हा महत्त्वाकांक्षी उपक्रम राबविला आहे. या पर्यावरण रक्षणाच्या कार्याची राज्य पातळीवर दखल घेण्यात आली आहे.
त्यांना हा पुरस्कार जाहीर झाल्याबद्दल महा डिजिटल मीडिया असोसिएशनचे सोलापूर जिल्हाध्यक्ष तथा थिंक टँक डिजिटल मीडियाचे सल्लागार संपादक डॉ. बाळासाहेब मागाडे यांच्यासह महा डिजिटल मीडिया असोसिएशनचे सांगोला उपाध्यक्ष रवी साबळे (संपादक – आवाज न्यूज) व विनोद उबाळे (संपादक – यशोगाथा न्यूज), सचिव उमेश मंडले (संपादक – सांगोला प्रहार),
कोषाध्यक्ष गणेश कपडेकर (संपादक – सांगोला भूषण), कार्यकारिणी सदस्य पत्रकार अशोक बनसोडे – माळी (संपादक -माणदेश न्यूज), प्रा. कैलास गोरे (संपादक – सांगोला माझा), मोहसीन मुलाणी (संपादक – सांगोला दर्पण), नवनाथ मदने (विभागीय प्रतिनिधी – ईगल न्यूज),
संतोष साठे (संपादक – शब्दरेखा न्यूज), अमोल महारनवर (संपादक – लाईव्ह महाराष्ट्र न्यूज), रोहित सुर्यागण (संपादक – सोलापूर न्यूज), सचिन गायकवाड (विभागीय प्रतिनिधी- आधार न्यूज नेटवर्क), नितीन होवाळ (संपादक – रणसंग्राम न्यूज), सचिन धांडोरे (प्रतिनिधी- थिंक टँक न्यूज नेटवर्क), सनी बिचुकले (प्रतिनिधी – लाईव्ह महाराष्ट्र न्यूज), सिद्धेश्वर माने (संपादक – S24 न्यूज), संजय माने (कार्य.संपादक – S24 न्यूज) यांनी अभिनंदन केले.
0 Comments