विद्यार्थी-पालकांसाठी आनंदाची बातमी, ‘या’ अभ्यासक्रमाबाबत ठाकरे सरकारचा मोठा निर्णय..!
विद्यार्थ्यांसाठी एक आनंदाची बातमी आहे.. ठाकरे सरकारने नवीन 64 व्यावसायिक व कृषी अभ्यासक्रमांना मान्यता दिली आहे. तसेच या अभ्यासक्रमासाठी विद्यार्थ्यांना खास शिष्यवृत्तीही दिली जाणार आहे. इतर मागास, बहुजन कल्याण मंत्री विजय वडेट्टीवार यांनी ही माहिती दिली..
राज्य सरकारने इतर मागास बहुजन कल्याण विभागामार्फत नवीन 64 व्यावसायिक अभ्यासक्रम सुरु करण्याचा निर्णय घेतला आहे.. त्यामध्ये 56 व्यावसायिक, तर 11 कृषीविषयक अभ्यासक्रम आहेत. या एकूण 64 व्यावसायिक अभ्यासक्रमांसाठी ‘महाडिबीटी प्रणाली’वर मॅपींग करण्यास ठाकरे सरकारने मान्यता दिली आहे.
शिष्यवृत्ती कोणाला मिळणार..?
इतर मागास, विमुक्त जाती, भटक्या जमाती, विशेषमागास प्रवर्गातील ज्या विद्यार्थ्यांच्या पालकांचे उत्पन्न 8 लाखापर्यंत मर्यादित आहे, असे विद्यार्थी या अभ्यासक्रमासाठी पात्र असतील.
तसेच विद्यार्थी हा महाराष्ट्रातील रहिवासी असला व परराज्यात शिक्षण घेत असला, तरी त्यास शिष्यवृत्ती/शिक्षण शुल्क/परीक्षा शुल्क लागू करण्यात आले आहे.
राज्यात याआधी असे 605 अभ्यासक्रम होते, आता एकूण 736 अभ्यासक्रम सुरु करण्यात आले आहेत. 2020-21 मध्ये 40 तर 2021-22 पासून 24 अभ्यासक्रमांची त्यात भर पडल्याची माहिती मंत्री वडेट्टीवार यांनी दिली.
राज्यातील मागासवर्गीय, ओबीसी, विमुक्त जाती, भटक्या जमाती व विशेष प्रवर्गातील विद्यार्थ्यांसाठी हे अभ्यासक्रम सुरु केले आहेत. रोजगार, स्वयंरोजगार, व्यावसायिक अभ्यासक्रमातून या विद्यार्थ्यांना जीवनमान उंचावता यावे, त्यांना रोजगाराच्या संधी उपलब्ध व्हाव्यात, या हेतूने इतर मागास बहुजन कल्याण विभागाने हे अभ्यासक्रम सुरु केल्याचे ते म्हणाले.
0 Comments