सांगोला नगरपालिकेचा प्रारुप प्रभाग रचनेचा आराखडा मा.जिल्हाधिकारी यांचेकडे सादर

 सांगोला नगरपालिकेचा प्रारुप प्रभाग रचनेचा आराखडा मा.जिल्हाधिकारी यांचेकडे सादर

 सांगोला नगरपरिषदेच्या सार्वत्रिक निवडणुकांच्या अनुषंगाने प्रभाग रचना कार्यक्रम राज्य निवडणूक आयोग यांच्याकडून जाहीर करण्यात आला आहे . त्या अनुषंगाने सांगोला नगरपरिषदे मार्फत नगरपालिकेचा प्रारुप प्रभाग रचनेचा आराखडा मा . जिल्हाधिकारी यांच्याकडे सादर करण्यात आला आहे .

यावर पुढील दोन ते तीन दिवसात तपासणी होईल आणी त्यानंतर प्रारूप प्रभाग रचनेच्या आराखड्यासंदर्भात आलेल्या हरकती व सूचनेनंतर मा . जिल्हाधिकारी यांच्याकडून सांगोला नगरपालिका निवडणुकीचा प्रारूप प्रभाग रचनेचा आराखडा जाहीर केला जाणार आहे . डिसेंबर २०२१ रोजी मुदत संपलेल्या सांगोला नगरपरिषदेच्या सार्वत्रिक निवडणुकांच्या अनुषंगाने प्रभाग रचना कार्यक्रम राज्य निवडणूक आयोग यांच्याकडून जाहीर करण्यात आला आहे . त्याबाबतचे आदेश राज्य निवडणूक आयोगाने जिल्हाधिकारी यांना पारीत केले आहेत .

त्यानुसार सांगोला नगरपालिकेच्या अंतिम प्रभाग रचनेला मा . जिल्हाधिकारी यांच्याकडून मान्यता दिली जाणार आहे . प्रारुप प्रभाग रचनेचा प्रस्ताव नगरपरिषदांच्या प्रभागांची संख्या , त्यांची प्रभाग निहाय एकूण व अनुसूचित जाती तसेच अनुसूचित जमाती ची सन २०११ च्या जनगणनेनुसार लोकसंख्या , क्षेत्र , सिमांकन व नकाशा यासह जिल्हाधिकारी यांना मुख्याधिकारी यांच्या मार्फत सादर केले जाणार होते . काल बुधवार दिनांक २ मार्च रोजी प्रारुप प्रभाग रचनेचा आराखडा जिल्हाधिकारी यांच्या कार्यालयाकडे सांगोला नगरपरिषद मार्फत सादर करण्यात आला आहे .

यावर ७ मार्च रोजी प्रारुप प्रभाग रचनेच्या प्रस्तावास मा . जिल्हाधिकारी हे मान्यता देणार आहेत . प्रारूप प्रभाग रचना प्रभागदर्शक नकाशे अधिसूचना कलम १० नुसार रहिवाशांच्या माहितीसाठी व हरकती तसेच सूचना मागवीण्याकरीता वृत्तपत्र व स्थानिक पातळीवर तसेच जिल्हाधिकारी कार्यालय यासह नगरपालिका वेबसाईटवर १० मार्च पर्यंत प्रारूप प्रभाग रचना यादी प्रसिद्ध केली जाणार आहे . हरकती – सूचना मागवण्याचा कालावधी १० मार्च ते १७ मार्च पर्यंत असणार आहे . प्राप्त हरकती व सूचना वर सुनावणी २२ मार्च पर्यंत होणार आहे .

२५ मार्च पर्यंत हरकती व सूचनांच्या अनुषंगाने अभिप्राय देऊन संबंधित विभागीय आयुक्त व नगरपरिषद प्रशासनाकडे अहवाल पाठविण्यात येणार आहे . तर अंतिम प्रभाग रचना मान्यता १ एप्रिल रोजी देण्यात येणार आहे . तर अधिनियमातील कलम १० नुसार अंतिम अधिसूचना प्रसिद्धी करण ५ एप्रिल २०२२ या कालावधीत होणार आहे . सांगोला नगरपालिका निवडणूक प्रक्रियेचा एक भाग म्हणूनच सर्वप्रथम प्रारूप प्रभाग रचना आराखडा तयार करून जिल्हाधिकारी कार्यालयाकडे सादर केला आहे . लवकरच आराखड्याच्या याद्या प्रसिद्ध केल्या जाणार असून यामुळे सांगोला नगरपालिका निवडणुकीला आता गती मिळणार आहे .

सोलापूर जिल्ह्यातील पोलिस स्टेशनचे फोन नंबर

◆ अक्कलकोट उ.पोलीस ठाणे-०२१८१२२०२४५

◆ अक्कलकोट द.पोलीस ठाणे-०२१८१२२०३१३

◆ अकलूज पोलीस ठाणे-०२१८५२२२१०

◆ बार्शी शहर पोलीस ठाणे -०२१८४२२३३३३

◆ बार्शी तालुका पोलीस ठाणे -०२१८४२२३३३०

◆ सायबर पोलिस ठाणे -०२१७२३१७१३१

◆ कामती पोलीस ठाणे- ०२१८९२४५२११

◆ करकंब पोलीस ठाणे -०२१८६२४२२३३

◆ करमाळा पोलीस ठाणे- ०२१८२२२०३३३

◆ कुर्डवाडी पोलीस ठाणे -२१८३२२३३३३

◆ माढा पोलीस ठाणे- ०२१८३२३४०३३

■ पंतप्रधान जीवन ज्योती विमा ■

पंतप्रधान जीवन ज्योती योजनेअंतर्गत अपघातात मृत्यू पावल्यानंतर सुरक्षा दिली जाते . ठळक वैशिष्टे . १. रुपये ३३० वार्षिक हप्ता २. लाभार्थी वयोगट १८ ते ५० ३. लाभ - मृत्यू झाल्यास २ लाख रुपये भरपाई ४. अट - फक्त बँकेत खाते असणे आवश्यक कोणीही लाभ घेवू शकतो एक वर्षाचे विमा संरक्षण असणारी हि एक आयुर्विमा योजना आहे . 

दर वर्षी नूतनीकरण आवश्यक . बँका व भारतीय आयुर्विमा महामंडळ यांच्या सहयोगाने या योजनेचे परिचालन केले जाईल . १८ ते ५० वयोगटातील सर्व बचत बँक खातेधारक या योजनेत सहभागी होऊ शकतील . एकाच व्यक्तीची अनेक बचत खाती असतील तर अशी व्यक्ती कुठल्याही एका बचत खात्याद्वारे हा विमा उतरवू शकेल . 

विमा उतरविणाऱ्या व्यक्तीचा आधार क्रमांक पायाभूत मानला जाईल . योजनेचा कालावधी दर वर्षी १ जून ते ३१ मे असा राहील व विमा हप्ता बँक खातात परस्पर नावे टाकला जाईल . पुढील वर्षाच्या नूतनीकरणाचा अर्ज ३१ मे पर्यंत देणे आवश्यक राहील . योजनेत सहभागी होण्यासाठीचा काळ सरकार सुरवातीला ३ महिने पर्यंत वाढवू शकते . विमाधारकाचा कुठल्याही कारणाने मृत्यू झाला तर वारसास रु . २ लाख भरपाई मिळेल . 

विमा हप्ता रो . ३३० / - प्रती व्यक्ती प्रती वर्ष राहील व बँक बचत खात्यात परस्पर नावे टाकला जाईल विमा धारकाने वय वर्ष ५५ पूर्ण केल्यावर / बँकेच्या बचत खात्यात विमा हप्ता नावे टाकण्यास पुरेशी शिल्लक नसेल तर / बँक खाते बंद केले तर विमा संरक्षण संपुष्टात येईल . तांत्रिक अडचणीमुळे संपुष्टात आलेली विमा पॉलिसी काही अटींची पूर्तता केल्यावर पुन्हा चालू करता येईल .

◆ संजय गांधी निराधार योजना ◆

संजय गांधी निराधार योजना कागदपत्रे : १ ) १५ वर्षे स्थानिक वास्तव्य दाखला २ ) उत्पन्न दाखला ( मुळ प्रत ) ३ ) रेशनकार्ड ४ ) मयत दाखला ५ ) मुलांचे जन्म नोंद / बोनाफाईड ६ ) मुलांसोबत पासपोर्ट साईज फोटो ७ ) आधार कार्ड ८ ) घर पट्टी / लाईट बिल / भाडे पवती / करार ९ ) निवडणूक ओळखपत्र अपंग असल्यास सिव्हील दवाखान्याचा दाखला.

● अटल पेन्शन योजना ●

अटल पेन्शन योजना ही निवृत्ती नंतर दरमहा ठराविक परतावा देणारी एक सरकारी पेन्शन योजना आहे . ही योजना मुख्यतः असंघटित क्षेत्रातील नागरिकांसाठी , ज्यांच्यासाठी कुठलीही पेन्शन योजना उपलब्ध नाही , अशासाठी लाभदायक आहे . बँका व पेन्शन निधी विनियामक आणि विकास प्राधिकरण यांच्या सहयोगाने ही योजना कार्यान्वित होणार आहे . १८ ते ४० वयोगटातील असंघटित क्षेत्रातील सर्व बचत बँक खातेधारक या योजनेत सहभागी होऊ शकतील . १८ वर्षे वयाच्या व्यक्तीने दरमहा ४२ रूपये भरल्यास या व्यक्तीला वयाची ६० वर्षे पूर्ण झाल्यानंतर एक हजार रूपये दरमहा पेन्शन मिळू शकेल . याच धर्तीवर दरमहा २१० रूपये भरल्यास पाच हजार रूपये दरमहा पेन्शन मिळू शकेल . दर महिन्याचे योगदान बचत खात्यातून परस्पर नावे टाकण्याची सोय आहे . या योजनेत ग्राहकाच्या योगदानाबरोबरच पहिली पाच वर्षे ( २०१५-१६ ते २०१९-२० ) सरकारचेही योगदान राहणार आहे . हे योगदान ग्राहकाच्या एकूण योगदानाच्या ५० टक्के किंवा एक हजार रूपये यापैकी जी रक्कम कमी असेल तेवढी असणार आहे . ज्या ग्राहकांसाठी कुठलीही वैधानिक सामाजिक सुरक्षा योजना उपलब्ध नाही आणि जे ग्राहक आयकर दाते नाहीत अशाच ग्राहकांना हे योगदान मिळणार आहे . ग्राहकाचा मृत्यू झाल्यास त्याच्या पत्नी किंवा पतीस ही पेन्शन चालू राहील . दोघांचाही मृत्यू झाल्यास त्यांनी नामांकित केलेल्या व्यक्तीस सर्व जमा रक्कम एक रकमी परत करण्यात येणार आहे .

सोलापूर जिल्ह्यातील महत्त्वाचे फोन नंबर

● जिल्हाधिकारी कार्यालय, सोलापूर - ०२१७ २७३१०२०

● पोलीस अधीक्षक कार्यालय, सोलापूर-०२१७ २७३२००१

● जिल्हा परिषद, सोलापूर -०२१७ २७२७०३५

● जिल्हा शल्यचिकित्सक ,सोलापूर-०२१७ २७४९४८७

● राज्य उत्पादन शुल्क, सोलापूर-०२१७ २३१२३७६

● अन्न व औषध प्रशासन, सोलापूर-०२१७ २७२१४१०

● जिल्हा पुरवठा अधिकारी, सोलापूर-०२१७ २७३१००४