google.com, pub-8399173714797549, DIRECT, f08c47fec0942fa0 महुद येथे धाडसी चोरी मोटार रिवायडींग चे दुकान फोडून सुमारे ४ लाख ४५ हजारांचा मुद्देमाल लंपास

Breaking News

महुद येथे धाडसी चोरी मोटार रिवायडींग चे दुकान फोडून सुमारे ४ लाख ४५ हजारांचा मुद्देमाल लंपास

 महुद येथे धाडसी चोरी मोटार रिवायडींग चे दुकान फोडून सुमारे ४ लाख ४५ हजारांचा मुद्देमाल लंपास


सांगोला / प्रतिनिधी :सांगोला तालुक्यातील महुद येथे एक मोटार रिवायडींग चे दुकान फोडून सुमारे ४ लाख ४५ हजारांचा मुद्देमाल अज्ञात चोरट्यांनी लंपास केल्याची घटना २७ जानेवारी रोजी पहाटे ४ वाजण्याच्या सुमारास घडली आहे.



याबाबत अधिक माहिती अशी की महुद येथील मेन चौका लगत प्रकाश सरगर यांचे नाथबाबा मोटर रिवायडींग चे दुकान असून गुरूवार दिनांक २७ जानेवारी रोजी पहाटे ४ वाजण्याच्या सुमारास अज्ञात चोरट्यांनी या दुकानाच्या पाठीमागील बाजूने आत येण्याचा प्रयत्न केला परंतु आतून ग्रील चा दरवाजा असल्याने प्रयत्न असफल झाला 


नंतर त्यांनी दुकानाचे पुढील शटर लावलेले कुलूप तोडून आत प्रवेश करत विद्युत मोटरीला लागणारी तांब्याची तार त्यामध्ये १ लाख २ हजार रूपये किमतीचे जे एम डब्ल्यू कंपनीचे कॉपर वायर ६ नवीन बंडल, ५१ हजार रुपये किमतीचे काॅपर वायरचे ६ वापरलेले बंडल, १ लाख ३६ हजार रुपये किंमतीचे सबमर्सिबल ओपन फिल्म कॉपर वायर चेतक


 व जेएमडब्ल्यू अल्फाफ्लू नावाच्या कंपनीचे २३ बॉक्स, २ लाख ७ हजार किमतीचे स्क्रॅप च्या तांब्याच्या तारा असलेली प्रत्येकी ५० किलो प्रमाणे ६ ठिकी असा एकूण ४ लाख ४५ हजार रुपयांचा मुद्देमाल घेऊन पोबारा केला. याबाबत प्रकाश सरगर यांनी सांगोला पोलीस स्टेशनमध्ये फिर्याद दाखल केली आहे. 


घटनास्थळी मंगळवेढा विभागाच्या उपविभागीय पोलिस अधिकारी राजश्री पाटील, पोलीस निरीक्षक सुहास जगताप, सहाय्यक पोलीस निरीक्षक रविंद्र राजूलवार यांनी भेट दिली असून पुढील तपास सांगोला पोलीस करत आहेत

Post a Comment

0 Comments