सांगोला नाझरेमठ ; टोल नाक्यावरील नोकरींमध्ये स्थानिकांना प्राधान्य द्या – शाहरुख मुलाणी
भारत सरकार केंद्रीय रस्ते वाहतूक आणि महामार्ग मंत्री नितीन गडकरी व महाराष्ट्र राज्य रुग्ण हक्क परिषद मंत्रालयीन सचिव शाहरुख मुलाणी
सांगोला. (प्रतिनिधी) – सांगोला – मिरज रोड वरील नाझरेमठ येथील टोल नाक्यावरील नोकरींमध्ये स्थानिकांना प्राधान्य द्या असे महाराष्ट्र राज्य रुग्ण हक्क परिषद मंत्रालयीन सचिव शाहरुख मुलाणी यांनी भारत सरकार केंद्रीय रस्ते वाहतूक आणि महामार्ग मंत्री नितीन गडकरी व भारतीय राष्ट्रीय राजमार्ग प्राधिकरण यांच्या कडे ईमेल द्वारे जोरदार मागणी केली आहे.
भारत सरकार केंद्रीय रस्ते वाहतूक आणि महामार्ग मंत्री नितीन गडकरी यांना देण्यात आलेले निवेदन
यावेळी मुलाणी म्हणाले की, महाराष्ट्र जि. सोलापूर येथील पंढरपूर – सांगोला – मिरज या रोड वर नाझरे मठ येथे NHAI ने आपला टोल उभारला आहे. या टोल नाक्या लगत असलेले
मु. पो. उदनवाडी (सांगोला) या गावात अनेक सुशिक्षित बेरोजगार तरुण आहेत. तसेच कोरोना कोविड – 19 काळात अनेक उद्योग धंदे बंद झाल्यामुळे अनेक ग्रामस्थ हे बेरोजगार झालेले आहेत. त्यामुळे गावातील अनेक कुटुंबाचे उदरनिर्वाह होणे कठीण झाले आहे. तसेच अवकाळी पाऊस तसेच पिकांवरील रोगराई यामुळे शेती पिकांचे मोठे नुकसान झाले आहे.
अश्या स्थितीत येथील स्थानिक शेतकरी हवालदिल झाला आहे. ज्याअर्थी मागेल त्याला काम द्या, अशा सूचना महाराष्ट्र शासन मंत्रालय द्वारे राज्यातील जिल्हाधिकाऱ्यांना देण्यात आले आहेत. त्याअर्थी सुशिक्षित युवकांना रोजगाराची संधी उपलब्ध होत असल्यास स्थानिक बेरोजगार तरुणांना नोकऱ्यांमध्ये प्राधान्य देणे अपेक्षित आहे.
त्याअनुषंगाने सांगोला – मिरज रोड वरील नाझरेमठ येथील टोल नाक्यावर उदनवाडी गावातील ग्रामस्थांना (स्थानिकांना) नोकऱ्या देण्याबाबत संबंधितांना योग्य ते लेखी आदेश द्यावेत असे महाराष्ट्र राज्य रुग्ण हक्क परिषद मंत्रालयीन सचिव शाहरुख मुलाणी म्हंटले आहे.
त्याचबरोबर सदरहू निवेदन भारत सरकार केंद्रीय रस्ते वाहतूक आणि महामार्ग राज्यमंत्री जनरल डॉ. विजय कुमार सिंह, भारतीय राष्ट्रीय राजमार्ग प्राधिकरण अध्यक्ष, महाराष्ट्र राज्य CGM & RO, सोलापूर प्रकल्प संचालक तसेच जिल्हाधिकारी सोलापूर यांना देखील देण्यात आले असल्याचे मुलाणी यांनी सांगितले.
0 Comments