कामावर हजर न राहिलेल्या एसटी कर्मचाऱ्यांबाबत मोठा निर्णय; या प्रक्रियेला सुरुवात
मुंबई : एसटी कर्मचाऱ्यांना सोमवारपर्यंत कामावर हजर व्हा अन्यथा कठोर कारवाईला सामोरे जावे लागणार असल्याचा परिवहन मंत्र्यांनी इशारा दिला होता. गेला दीड महिना उलटूनही एसटी कर्मचाऱ्यांचे आंदोलन सुरूच आहे. काही कर्मचारी जरी कामावर हजर झाले असले तरी काही कर्मचारी अजूनही संपावर आहेत. त्यामुळे त्या कर्मचाऱ्यांवर कडक कारवाई करण्यास सुरूवात केल्याची माहिती सुत्रांनी दिली. या कर्मचाऱ्यांवर बडतर्फीची कारवाई होण्याची शक्यता वर्तविली जात आहे. त्यामुळे एसटी कर्मचाऱ्यांत खळबळ उडाली आहे.
विलिनीकरणाचा निकाल २० तारखेला
दिशाभूल करून संप भरकटत आहे. विलीनीकरणाचा मुद्दा समितीच्या माध्यमातूनच सुटणार आहे, अशी प्रतिक्रिया एसटीच्या संपावर आणि विलीनीकरणावर अनिल परब यांनी दिली आहे. तोपर्यंत कामावर या असे आवाहनही परिवहन मंत्री अनिल परब यांनी पुन्हा एकदा केले आहे. २० तारखेला कोर्टाची तारीख आहे, त्यावेळी विलीनीकरणाचा निकाल लागेल. मात्र आत्ता उगाच एसटी कर्मचाऱ्यांना भडकवले जात आहे.
कर्मचाऱ्यांना ८ दिवसांची मुदत
निलंबित केलेल्या १० हजार कर्मचाऱ्यांनाही कारणे दाखवा नोटीस देणार आहेत. सेवेतून बडतर्फ का करू नये? यासाठी ही कारणे दाखवा नोटीस बजावण्यात येणार आहे. या नोटीसीनंतर संपावरील कर्मचाऱ्यांना ८ दिवसांची मूदत देण्यात येणार आहे.
शो कॉज नोटीस देण्यास सुरूवात
संपावर असलेल्या एसटी कर्मचाऱ्यांना आजपासून शो कॉज नोटीस देण्यास सुरुवात केल्याचीही देण्यात आली. सोमवारपर्यंत कामावर हजर व्हा अन्यथा कठोर कारवाईला सामोरे जावे लागणार असल्याचा परिवहन मंत्र्यांनी इशारा दिला होता. त्यानंतरही कामगार कामावर राहिले नाहीत. त्यानंतर राज्य सरकारने कारवाईला सुरुवात केली आहे.
0 Comments