आईच्या मृतदेहावर छातीला बिलगलेली 9 महिन्यांची पोर , पायाला काच रुतून जखमी , अमरावतीतील अंगावर काटा आणणारा प्रसंग
त्या बाईला सकाळपासून मला एवढंच सांगावं वाटते की अग वेडे एकदा आपण आई झाल्यावर आपल्याला अश्याप्रकारे मरायचा अधिकार नसतो गं बाई, बायांनो त्रास सहन होत नाही मान्य, घरी वाद होतात मान्य, पण टोकाचा निर्णय नका घेऊ गं, अशी आर्त विनवणी सामाजिक कार्यकर्त्या गुंजन गोळे तळेगावकर यांनी फेसबुक पोस्ट शेअर करत केली आहे.
बाळाची काळजी घेणाऱ्या सामाजिक कार्यकर्त्या गुंजन गोळे यांनी फेसबुकवर आपला अनुभव मांडला
अमरावती : लेकुरवाळ्या बाळाला पोरकं करुन माऊलीने आत्महत्या केली. हृदयाला चटका लावणारी ही घटना अमरावतीत घडली आहे. धक्कादायक म्हणजे मृत महिलेच्या छातीला बिलगून 9-10 महिन्यांची मुलगी जिवाच्या आकांताने रडत होती. सामाजिक कार्यकर्त्या गुंजन गोळे तळेगावकर यांनी डोळ्याने टिपलेली दृश्यं सांगत अंगावर काटा आणणारा अनुभव सोशल मीडियावर शेअर केला आहे.
काय आहे गुंजन गोळेंची फेसबुक पोस्ट
मरण फार स्वस्त झालंय हो
आज सकाळी 8.30 च्या दरम्यान PSI चव्हान सर गाडगेनगर पोलिस स्टेशनमधून फोन आला. आपण गुंजनताई बोलताय का? PKV कॉलेज वेलकम पॉइंटला एका बेवारस बाईचं प्रेत सापडलं आहे, येऊ शकता का तुम्ही? दहा मिनिटांमध्ये पोहोचते म्हणून मी त्या दिशेने निघाले.
अमरावतीमध्ये बेवारस मृतदेह सापडले की पोलिस मला कॉल करतात आणि आम्ही अंतिम विधी करतो. तसाच हा पण फोन असेल असे मला वाटले. पण घटनास्थळी पोहोचताच माझे हात पाय आज पहिल्यांदा ढिले पडले. कारणही तसेच होते.
साधारण 30/32 वर्षांची बाई समोर मृत होती आणि तिच्या छातीला बिलगून अंदाजे 9/10 महिन्यांची मुलगी जिवाच्या आकांताने रडत होती. हाता पायाला काच रुतल्याने जखमा होऊन बाळ प्रचंड अस्वस्थ झाले होते. उजव्या पायाचे फिमर बोन फ्रॅक्चर होऊन पाय प्रचंड सुजला होता. अंगावर पांघरुण काहीही नसल्याने रात्रभर त्या जंगली भागात कडाक्याच्या थंडीत मेलेल्या आईला उठवण्यासाठी जिवाचा आटापिटा करणारं बाळ राहून राहून दचकत होतं आणि गर्दी बघून परत रडत होतं. मी त्याला जवळ घेतले, ते दुधपितं बाळ होतं. मेलेल्या आईचे स्तन ड्रेसबाहेर काढून ते रात्री प्यायलं होतं, असं प्रत्यक्ष क्षणी बघितल्यावर आम्ही अंदाज काढला होता.
0 Comments