दिवाळीच्या तोंडावर पंढरपूर हादरले, 13 वर्षीय चिमुकलीवर सामूहिक बलात्कार

 

दिवाळीच्या तोंडावर पंढरपूर हादरले, 13 वर्षीय चिमुकलीवर सामूहिक बलात्कार

एकीकडे दिवाळी उत्सवाची जोरात तयारी सुरू आहे. तर दुसरीकडे पंढरपूर येथे धक्कादायक घटना घडली. वेळापूर पोलीस स्टेशनच्या हद्दीत एका १३ वर्षांच्या चिमुकलीवर तीन आरोपींनी अत्याचार केल्याची धक्कादायक घटना उघडकीस आली आहे. सदर प्रकरणी ३ नराधमांना अटक देखील करण्यात आलेली आहे.

सूत्रांनी दिलेल्या माहितीनुसार, माळशिरस तालुक्यातील उघडेवारी या ठिकाणी सदर घटना घडली. पीडित मुलगी ही आपल्या परिवारासोबत उघडेवाडी गावात राहते. पीडित 13 वर्षीय चिमुकली सरकारी दवाखान्यात जात होती. या वेळी रस्त्यात तीन नराधमांनी चिमुकली अडवले आणि तिची छेड काढली. त्यानंतर पीडितेला बाजूला असलेल्या एका आडोशाला नेऊन बळजबरीने लैंगिक अत्याचार केला.

पीडित मुलीने आपल्यासोबत घडलेली हकीकत आपल्या आईला सांगितली. तसेच आईने पोलीस ठाण्यात धाव घेत आणि तक्रार दाखल केली. पीडितेचा जबाब नोंदवण्यात आल्यानंतर पोलिसांनी तीन जणांविरोधात बलात्काराचा गुन्हा दाखल केला.

नराधमांना अटक-करण्यासाठी वेळापूर पोलिसांनी पथक तयार केले होते. अखेर, सापळा रचून पळून जाणाऱ्या संशयित आरोपींना इंदापूरमध्ये अटक केली आहे.

मुख्य आरोपी युवराज प्रकाश गोडसे , रणजीत दत्तात्रेय कोळेकर आरोपी वय २३, रा.उघडेवाडी) आणि रोहन दत्तात्रय भोसले वय १९ ) अशी अटक केलेल्या आरोपींची नवे आहे. या तिन्ही नराधमांना पोलिसांनी आज पंढरपूर न्यायालयात हजर केले होते. तसेच, सर्वांना दोन नोव्हेंबरपर्यंत पोलीस कोठडी सुनावण्यात आली आहे. सदर प्रकरणी अधिक तपास पोलीस कर्मचाऱ्यांकडून जारी आहे.