मोठी घोषणा; पाच लाखापर्यंत विनाव्याजाने कर्ज मिळणार.! हसन मुश्रीफ यांची मोठी घोषणा.. - क्राईम एफ.आय.आर.

 मोठी घोषणा; पाच लाखापर्यंत विनाव्याजाने कर्ज मिळणार.! हसन मुश्रीफ यांची मोठी घोषणा.. - क्राईम एफ.आय.आर.

मुश्रीफ यांची बँकेच्या ८३ व्या वार्षिक सभेत मोठी घोषणा..

कोल्हापूर दि. २८ (प्रतिनिधी) -: शेतकऱ्यांना पाच लाखा पर्यंत बिनव्याजी पीक कर्ज देण्याचा महत्वपूर्ण निर्णय कोल्हापूर येथील जिल्हा मध्यवर्ती बँके कडून घेण्यात आला आहे. बँकेचे अध्यक्ष हसन मुश्रीफ यांनी बँकेच्या ८३ व्या वार्षिक सभे मध्ये ही घोषणा केली. शेतकरी सभासदांना शून्य टक्के व्याजदराने कर्ज पुरवठा करणारी ‘केडीसीसी’ही पहिली बँक आहे असा दावा मुश्रीफ यांनी केला आहे. या आर्थिक वर्षात नऊ हजार कोटी रुपयांच्या ठेवी आणि १७५ कोटी रुपयांचा नफेचा उद्दिष्ठ समोर ठेवून हा निर्णय घेण्यात आला आहे असे मुश्रीफ यांनी सांगितलं कोल्हापूर जिल्ह्यातील अडीच लाखांहून अधिक शेतकऱ्यांनी शून्य टक्के व्याजदराने पीक कर्ज द्यावेत, अशी मागणी केली होती. त्यांच्या या मागणीनुसार तीन लाखाची कर्जाची रक्कम वाढून पाच लाख करण्याचा निर्णय या वार्षिक सभेत घेण्यात आला. बँकेचे अध्यक्ष मुश्रीफ यांनी वार्षिक सभेत अधिकृत घोषणा केल्याचे समजते मुश्रीफ म्हणाले की,‘ प्रशासकाची कारकीर्द जाऊन संचालक मंडळाने सहा वर्षापूर्वी बँकेची सत्ता ताब्यात घेतली होती तेव्हा बँक तोट्यात चालु होती. आता संचालक मंडळाच्या कालावधीत गेल्या सहा वर्षात पासुन बँकेने मोठी कामगिरी केली आहे. प्रशासक काळातील १०३ कोटी रुपयांचा तोटा भरुन काढत बँकेने १४५ कोटी रुपयांचा नफा मिळवला आहे. सध्या बँकेच्या ७१४१ कोटी रुपयांच्या ठेवी आहेत. चालू आर्थिक वर्षात २०२१-२२ मध्ये बँकेने ९००० कोटींच्या ठेवींचे उद्दिष्ट निश्चित केलं आहे

दरम्यान, बँकेचे मुख्य कार्यकारी अधिकारी डॉ. ए.बी. माने यांनी विषयपत्रिकेचे वाचन केलं. सभेतील चर्चेत उद्योगपती व्ही. बी. पाटील, सदाशिव चरापले, प्रा. सुनील शिंत्रे, विशाल आवटी, शमशुद्दीन पिरजादे, धीरज पाटील, सुरेश गायकवाड, अक्रम मुजावर, प्रा. किसन कुराडे यांनी सहभाग घेतला. संचालक बाबासाहेब पाटील-आसुर्लेकर यांनी आभार मानले. सभेला संचालक खासदार संजय मंडलिक, आमदार पी. एन. पाटील, आमदार राजू आवळे, आमदार राजेश पाटील, माजी खासदार निवेदिता माने, पी. जी. शिंदे, विलास गाताडे, अनिल पाटील, भैय्या माने, सर्जेराव पाटील पेरिडकर, रणजितसिंह पाटील, श्रीमती उदयानी साळुंखे, अर्चना पाटील, तज्ज्ञ संचालक आर. के. पोवार, असिफ फरास , गोकुळचे चेअरमन विश्वास पाटील, जिल्हा परिषद सदस्य युवराज पाटील उपस्थित होते.