मामाने भाचीला चाकूचा धाक दाखवून केला अत्याचार

 मामाने भाचीला चाकूचा धाक दाखवून केला अत्याचार जळगावातील घटना ; नराधम मामाला अटक

 जळगाव ( प्रतिनिधी ) मामा या नात्याला काळीमा फासणारी घटना जळगावात उघडकीस आली आहे. यात नराधम मामाने १६ वर्षीय अल्पवयीन सक्या भाचीवर अत्याचार केल्याप्रकरणी जळगाव तालुका पोलीस ठाण्यात गुन्हा दाखल करण्यात आला आहे.जळगाव शहरातील तालुका पोलीस स्टेशन हद्दीत १६ वर्षीय अल्पवयीन मुलगी आपल्या नातेवाईकांसह राहते. पिडीत मुलगी ही मध्यप्रदेशातील रहिवाशी असून जळगावात नातेवाईकांसोबत मिळेल ते काम करते. तिचा मामा राजाराम बारेलाल कुंजाम रा. कोल्हे हिल्स गॅस गोडावून जळगाव याने आठ दिवसांपुर्वी नात्याने आपली सक्की भाची असलेल्या अल्पवयीन मुलीला चाकूचा धाक दाखवत तिच्यावर अत्याचार केला. तसेच कुणाला सांगितले तर तुला जीवे ठार मारण्याची धमकी देवून शिवीगाळ व मारहाण केली. याप्रकरणी संशयित आरोपी राजाराम कुंजाम याच्या विरोधात काल रात्री २२ जुलै रोजी तक्रार दिली. अल्पवयीन मुलीच्या तक्रारीवरून तालुका पोलीस ठाण्यात पोक्सो कायद्यान्वये गुन्हा दाखल करण्यात आला आहे. संशयित आरोपीला तालुका पोलीसात रात्री अटक केली आहे. पुढील तपास पोलीस उपनिरीक्षक कल्याण कासार करीत आहे.