पोलीस अधीक्षक सातपुतेंची ‘तेजेस्वी’ कामगिरी ! १४ ठिकाणी छापे, साडेबारालाखाची दारू नष्ट

 मुळेगाव तांड्यावर ‘कारवाईचे तांडव’, पोलीस अधीक्षक सातपुतेंची ‘तेजेस्वी’ कामगिरी ! १४ ठिकाणी छापे, साडेबारालाखाची दारू नष्ट

सोलापूर

मुळेगाव तांडा येथील हातभट्टी दारू तयार होणाऱ्या 14 ठिकाणी छापा टाकून बारा लाख 39 हजार 200 रुपयाचाची दारू नष्ट करून 14 जणांवर गुन्हे दाखल करण्यात आले आहे

सोलापूर ग्रामीण दलाच्या पोलीस अधीक्षक तेजस्वी सातपुते व अप्पर पोलीस अधीक्षक अतुल झेंडे यांनी अवैध व्यवसायांवर कारवाईची विशेष मोहीम राबवून प्रत्यक्ष सहभाग घेऊन आगामी ग्रामपंचायत निवडणुकीच्या अनुषंगाने शनिवारी सकाळी तालुका पोलिस स्टेशनच्या हद्दीतील मुळेगाव तांडा तालुका दक्षिण सोलापूर गावच्या शिवारात हातभट्टी दारूच्या अड्ड्यावर 14 ठिकाणी छापे टाकून 12 लाख 39 हजार 200 रुपयाची हातभट्टी दारू जागेवरच नष्ट करण्यात आली. 14 जणांवर गुन्हा दाखल केला आहे.यापुढेही सोलापूर जिल्ह्यात सुरू असणाऱ्या अवैद्य धंद्यावर कारवाई सुरू राहणार असून संबंधितावर कडक कारवाई करण्यात येणार असल्याची माहिती पोलिस अधीक्षक तेजस्वी सातपुते यांनी दिली

या कारवाईचे सर्वत्र कौतुक होत असून अवैद्य व्यवसाय करणाऱ्याचे धाबे दणाणले आहेत.

सदरच्या कामगिरीमध्ये पोलीस अधीक्षक तेजस्वी सातपुते अप्पर पोलीस अधीक्षक अतुल झेंडे यांच्या मार्गदर्शनाखाली प्रत्यक्ष सहभागात पोलीस उपविभागीय अधिकारी प्रभाकर शिंदे पोलीस निरीक्षक सर्जेराव पाटील स्थानिक गुन्हे शाखा पोलीस निरीक्षक सुहास जगताप,पोलीस निरीक्षक फुगे, सपोनि काजळकर सपोनि बंडगर, तावरे, दळवी,इंगळे पिंगवाले, महिला शिपाई गोडबोले, तसेच ग्रामीणचे आरसीबी पथक, क्यू आर टी पथकातील पोलिस अधिकारी व पोलिस अंमलदारांनी या कारवाईत भाग घेतला.