शिवसेनेला मत देणारे स्वर्गात जाणार, तर. शहाजीबापू पाटलांचे अजब वक्तव्य
(शब्दरेखा एक्स्प्रेस न्युज संपादक संतोष साठे ९५०३४८७८१२)
सांगोला येथे आयोजित एका राजकीय सभेत आमदार शहाजीबापू पाटील यांनी एक धक्कादायक वक्तव्य केले आहे.त्यांच्या या वक्तव्यामुळे महाराष्ट्राच्या राजकारणात सध्या चर्चांना उधाण आले आहे.
शहाजीबापू पाटील यांनी आपल्या भाषणात सांगितले की, शिवसेनेच्या धनुष्यबाण या चिन्हाला मतदान करणार्यांना स्वर्गात निश्चितपणे जागा मिळेल. त्यांच्या मते, ज्यांनी शिवसेनेला मत दिले आहे,
त्यांना देव कधीही नरकात घेणार नाही, उलट स्वर्गातच त्यांचे स्थान निश्चित आहे. “तुम्ही विजयी झाला असाल, पण मी खात्रीने सांगतो की ज्यांनी ज्यांनी धनुष्यबाण लावला,
त्यांना स्वर्गातच उद्या जागा आहे. नरकात तुम्हाला देव घेत नाही,” असे पाटील यांनी सांगोल्याच्या सभेत उपस्थितांना उद्देशून म्हटले. हे वक्तव्य देताना त्यांनी अप्रत्यक्षपणे राष्ट्रवादी काँग्रेसच्या घड्याळ चिन्हावरही टीका केली.
महाराष्ट्रातील स्थानिक स्वराज्य संस्थांच्या निवडणुका आणि व्यापक राजकीय वातावरणाच्या पार्श्वभूमीवर शहाजीबापू पाटलांचे हे अजब वक्तव्य राजकीय वर्तुळात चर्चेचा विषय ठरले आहे.
0 Comments