पत्नीचा खून केला, स्वत:च पोलिसात हजर झाला, अन्… संशयिताने खुनानंतर मृतदेह विद्युत पंपाच्या पेटीत सांगली जिल्ह्यातील घटना

पत्नीचा खून केला, स्वत:च पोलिसात हजर झाला, अन्… संशयिताने खुनानंतर मृतदेह विद्युत पंपाच्या पेटीत सांगली जिल्ह्यातील घटना 

राज्यात एक धक्कादायक तितकीच माणुकीला काळीमा फासणारी घटना समोर आली आहे. सांगली जिल्ह्यातील शिराळा तालुक्यातील मांगले येथे

 चारित्र्याच्या संशयावरून पत्नीचा गळा आवळून खून केल्याची घटना उघडकीस आली. तसेच संशयिताने खुनानंतर मृतदेह विद्युत पंपाच्या पेटीत घालून ठेवल्याचे समोर आल्याने खळबळ उडाली आहे.

प्राजक्ता मंगेश कांबळे (वय २८) असे मृत महिलेचे नाव आहे. खून केल्यानंतर संशयित पती मंगेश चंद्रकांत कांबळे (रा. मांगले, मूळ रा. कोकरूड)

 स्वतःहून पोलिसात दुपारी हजर झाला. दरम्यान मंगेश व प्राजक्ताचा आठ वर्षांपूर्वी आंतरजातीय प्रेमविवाह झाला आहे. 

आरोपी मंगेशचा भाऊ नीलेश आणि त्याची आई गेल्या पंधरा वर्षांपासून मांगले येथे वास्तव्यास आहेत. मांगले- वारणानगर रस्त्यावर जोतिबा मंदिरासमोर रामचंद्र वाघ यांच्या घरात ते भाड्याने राहतात.

चार दिवसांपूर्वी मंगेश त्याची पत्नी प्राजक्ता व सहा वर्षांचा मुलगा शिवम्‌, तीन वर्षांची मुलगी शिवन्या मुंबईहून आई आणि भावाकडे राहायला आले होते.

 आज सकाळी भाऊ नीलेश आणि आई देववाडी येथे गेले होते. दरम्यान, सकाळी दहाच्या दरम्यान पती-पत्नीत वाद झाला होता. 

तो वाद विकोपाला जाऊन मंगेशने प्राजक्ताचा ओढणीने गळा आवळून खून केला. त्यानंतर बाजूच्या खोलीत ठेवलेल्या विद्युत पंपाच्या मोडक्या पेटीत हातपाय मोडून मृतदेह घालून झाकून ठेवला, अशी माहिती पोलिसांनी दिली.

खोलीला बाहेरून कुलूप घालून, भाऊ नीलेश याला फोन करून मी शिराळ्याला जाणार आहे, गाडी घेऊन ये, असा निरोप दिला. 

भाऊ नीलेश देववाडीतून मांगलेत आल्यानंतर मंगेशने भावाकडून गाडी घेऊन तो शिराळ्याकडे निघून गेला. याचदरम्यान मंगेशचा सहा वर्षांचा मुलगा शिवम दारातच रडत होता.

 त्यावेळी नीलेशने त्याला समजावून काय झाले, असे विचारले. त्यावेळी सहा वर्षांच्या शिवमने मम्मी-पप्पांचे भांडण होऊन पप्पांनी आईला मारून खोलीत ठेवल्याचे सांगितले.

नीलेशने देववाडी येथील बहिणीला आणि तिच्या पतीला बोलवून घेतले. मंगेशला फोन करून गोरक्षनाथ मंदिराजवळच थांब आम्ही येतो, म्हणून सांगितले. त्यानंतर गोरक्षनाथ मंदिराजवळ जाऊन सविस्तर माहिती 

विचारल्यानंतर त्याने खून केल्याचे सांगितले. त्यानंतर या तिघांनीही त्याला आम्हाला त्रास होईल, तू पोलीस स्टेशनला जाऊन माहिती दे, असे सांगितले. त्यानंतर तो स्वतः शिराळा पोलिसांत हजर झाला.