प्रतीक्षा संपली ! पीएम किसानचा 17 वा हप्ता उद्या शेतकऱ्यांच्या खात्यात जमा होणार..
पंतप्रधान नरेंद्र मोदी यांच्या हस्ते मंगळवारी ( १८ जून) पीएम किसान योजनेचा १७ वा हप्ता जारी करण्यात येणार आहे.
वाराणसी येथील सभेतून देशातील ९.२६ कोटींहून अधिक शेतकऱ्यांना जवळपास २० हजार कोटी रुपये वितरीत करण्यात येणार
सलग तिसऱ्यांदा पंतप्रधान झाल्यानंतर नरेंद्र मोदी मंगळवारी (दि.१७ जून) त्यांचा लोकसभा मतदारसंघ वाराणसी येथे कार्यक्रमांमध्ये सहभागी होणार आहेत.
येथील शेतकरी सभेला पंतप्रधान नरेंद्र मोदी संबोधित करणार आहेत. या प्रसंगीच पंतप्रधान मोदी केंद्र शासनाच्या पीएम किसान योजनेचा १७ वा हप्ता जमा करणार आहेत.
यावेळी 2000 रुपये एकूण 9.26 कोटी लाभार्थ्यांच्या खात्यात पोहोचेल. पंतप्रधान म्हणून शपथ घेताच पंतप्रधान मोदींनी 17 वा हप्ता जारी
करण्याच्या फाइलवर डिजिटल स्वाक्षरी केली होती. त्यानंतर त्यांच्या संसदीय मतदारसंघाच्या दौऱ्यात पात्र शेतकऱ्यांच्या खात्यात हप्त्याची रक्कम हस्तांतरित केली जाईल.
20000 कोटी रुपयांच्या फाइलवर स्वाक्षरी
काही दिवसापूर्वी नरेंद्र मोदी यांनी तिसऱ्यांदा पंतप्रधान म्हणून शपथ घेतली होती. दुसऱ्याच दिवशी किसान निधीच्या फाईलवर सही झाली.
यासोबतच 17वा हप्ता जारी करण्याचे वेळापत्रकही जाहीर करण्यात आले. 18 जून म्हणजेच मंगळवारी पंतप्रधान मोदी मतदारांप्रती कृतज्ञता व्यक्त करण्यासाठी
त्यांच्या लोकसभा मतदारसंघाला भेट देणार आहेत. त्याच वेळी, पंतप्रधान निधी अंतर्गत प्राप्त झालेले 2000-2000 रुपये ऑनलाइन माध्यमातून देशातील
9.26 कोटी पात्र शेतकऱ्यांच्या खात्यात हस्तांतरित केले जातील. याआधी 28 फेब्रुवारी रोजी महाराष्ट्र दौऱ्यावर असताना पंतप्रधान मोदींनी शेतकऱ्यांच्या खात्यात 16 वा हप्ता वर्ग केला होता.
हे शेतकरी वंचित राहणार?
या वेळीही ते शेतकरी 17 व्या हप्त्यापासून वंचित राहणार आहेत. अनेक अपील करूनही ज्यांनी ईकेवायसी केलेले नाही.
तसेच, भुलेख पडताळणीही झालेली नाही. कारण यावेळीही सुमारे अडीच कोटी शेतकरी लाभापासून वंचित राहिले आहेत.
मात्र, तरीही या शेतकऱ्यांनी EKYC आणि भुलेख पडताळणी केली, तर 18 व्या हप्त्यादरम्यान त्यांना दोन्ही हप्त्यांचे पैसे एकत्र मिळू शकतात. सध्या पात्र लाभार्थ्यांची यादी विभागाकडे पोहोचली आहे. जेणेकरून कोणतीही अडचण येणार नाही..
0 Comments