सांगोला व मंगळवेढा तालुक्यातील छावणी चालकांचा बिलांच्या मागणीसाठी सांगोला तहसील कार्यालयासमोर जनावरासह शेतकरी व छावणी चालकास बेमुदत धरणे आंदोलनाचा इशारा सांगोला मंगळवेढा छावणी समन्वय समिती मा. दिलीप सावंत

 सांगोला व मंगळवेढा तालुक्यातील छावणी चालकांचा बिलांच्या मागणीसाठी सांगोला तहसील कार्यालयासमोर जनावरासह शेतकरी व छावणी

चालकास  बेमुदत धरणे आंदोलनाचा इशारा

सांगोला मंगळवेढा छावणी समन्वय समिती मा. दिलीप सावंत

 सांगोला :-( शब्दरेखा एक्सप्रेस न्यूज नेटवर्क सांगोला) अनेकवेळा मागणी करुन ही सन २०१८-१९ च्या चारा छावणीचे बिले मिळाली नसल्यामुळे दि. २६/०७/२०२३ पासून सांगोला तहसील कार्यालयासमोर जनावरासह शेतकरी व छावणी चालकास धरणे आंदोलन

 आम्ही सर्व सांगोला व मंगळवेढा तालुक्यातील चारा छावणी चालक यांनी सन २०१८-१९ च्या दुष्काळात पशुधन जगविण्यासाठी पुढे येवून चारा छावण्या शासनाच्या नियमानुसार योग्य व चांगल्या प्रकारे चालविल्या होत्या. 

प्रत्येक छावणीवर शासनाचा एक अधि कारी, तलाठी, ग्रामसेवक इ. छावणीवर राहुन देखरेख करणे, चारा पाणी तपासणे, जनावरे मोजणे व त्यांच्या सहीने तहसील कार्यालयाला जनावरांच्या संख्येचा अहवाल दिला जात असे.

 आठवडयातून एक वेळा छावणी समितीच्या सर्व सदस्यांच्या सहीने तहसील कार्यालयास जनावरांच्या संख्येचा अहवाल दिला जात असे. तसेच पुरवठा विभागावी तालुक्याची टिम, जिल्हयाची टिम, 

आठवडयातून एकदा रात्री दिवसा कधीही भेट देवुन चारा छावणीची तपासणी करीत असत वेळोवेळी अधिका-यामार्फत दप्तर तपासणी चारापाणी तपासणी होवून अशा प्रकारे भेट रजिस्टर मध्ये अधिका-यानी नोंदी केलेल्या आहेत. 

छावणी चांगल्या प्रकारे चालविल्याचे अहवाल दिलेले आहेत. अशा प्रकारे छावणी चालकाने योग्य व चांगल्या प्रकारे चारा छावण्या चालविल्या बिड, माण, खटाव व महाराष्ट्रील इतर जिल्हयातील छावणीची बिले देण्यात आली.

 परंतु कांही अधिका-यांच्या व पुढा-यांच्याय आर्थीक लालसेपोटी सोलापूर जिल्हयातील चारा छावणीचे बिले रखडण्यात आली आहेत. वेळोवेळी जिल्हाधिकारी तहसिलदार, उपविभागीय अधिकारी मंगळवेढा, महाराष्ट्र राज्य सचिव, मुख्यमंत्री, आरोग्य मंत्री, यांना भेटुन व लेखी निवेदनाव्दारे चारा छावणीच्या बिलांची मागणी केली. 

परंतु या बाबत कोणत्याही प्रकारची दखल घेतली गेली नाही. तालुक्यातील लोकप्रतिनिधी यांना ही भेटून बिलाची मागणी बाबत लेखी व तोंडी सांगीतले आहे. परंतु त्या बाबत त्यांनी ही कोणत्याही प्रकारची दखल घेतली नाही. 

त्यामुळे छावणी चालकास शेतक-यांना , सावकारांना बॅकेचे पैसे देता येत नसल्यामुळे छावणी चालकावर आत्महत्या करण्याची वेळ आलेली आहे. एका छावणी चालकांने पंढरपुरात चारा छावणवी वरच आत्महत्या केली आहे.

तरी प्रशासनास जाग आली नाही. प्रशासनाला जागे करण्यासाठी दिनांक २६/०७/२०२३ वार बुधवार पासून आम्ही सर्व शेतकरी व चारा छावणी चालक जनावरासह सांगोला तहसील कार्यालया समोर बेमुदत धरणे आंदोलन करण्याचा निर्णय घेतला आहे

त्यास पोलीस स्टेशन व जिल्हा प्रशासन यांनी परवानगी दयावीच लोकशाहीच्या मार्गाने शांततेत कोणत्याही प्रकारचा अडथळा न आणता आम्ही आंदोलन करणार आहे