सांगोला सावकारी कर्जाबाबत नोंदी असलेले ४ रजिस्टर्स, १८ कोरे चेक, ३ कोरे बॉन्ड व उसनवारी करार
पत्र इ. कागदपत्रे जप्त अवैध सावकारीबाबत सांगोला शहरात तीन ठिकाणी धाड
सांगोला (प्रतिनिधी):- अवैध सावकारीबाबत सांगोला शहरात तीन ठिकाणी धाड टाकून सावकारी कर्जाबाबत नोंदी असलेले ४ रजिस्टर्स, १८ कोरे चेक, ३ कोरे बॉन्ड व उसनवारी करार पत्र इ. कागदपत्रे जप्त केली असल्याची माहिती सहाय्यक निबंधक श्री. पी. आर. नालवार यांनी दिली.
सांगोला तालुक्यातील बस स्टॅण्ड शेजारी वासुद रोड, ता. सांगोला येथील रहिवाशी हे व्याजाने रकम देऊन त्याबदल्यात भरमसाठ व्याज आकारणी करतात. पैसे न आल्यास चेक बाऊन्स करून कोर्टात केस केली बाबत श्री. रोमीत पाटील व आनंद दौड़ेदोघे रा. सांगोला यांची तक्रार प्राप्त झाल्याने
सांगोला तालुक्याचे सावकारांचे सहाय्यक निबंधक श्री. पी. आर. नालवार यांचे पथकाने महाराष्ट्र सावकारी (नियमन) अधिनियम २०१४ चे कलम १६ अंतर्गत तीन सावकारांवर दि. २१/०७/२०२३ रोजी दुपारी २ वा. असे तीन ठिकाणी धाड टाकून सावकारी कर्जाबाबत नोंदी असलेले
४ रजिस्टर्स, १८ कोरे चेक, ०३ कोरे बॉन्ड व उसनवारी करार पत्र इ. कागदपत्रे जप्त केले असून त्याबाबत सांगोला पोलीस स्टेशनमध्ये गुन्हा नोंद करण्यात आलेला आहे. इतर व्यक्तीच्या घरावर धाड टाकण्यात आली असून त्याची कसून चौकशी सुरु आहे.
जिल्हाधिकारी सोलापूर यांनी अवैध सावकारीस आळा घालण्या संदर्भात बैठक घेवून कारवाई करण्याचे आदेश दिलेले होते. त्यानुसार जिल्हा उपनिबंधक, सहकारी संस्था, सोलापूर श्री. किरण गायकवाड यांचे नेतृत्व व मार्गदर्शनाखाली सदरची कारवाई करण्यात आली.
सदर कारवाईस पथक प्रमुख श्री. एस. एस. सांगोलकर तर पथकातील इतर सदस्य म्हणून श्री.डी.पी. सुरवसे, श्री. व्ही. जे. बडतीले यांनी कामकाज पाहिले. सदर कामी कार्यालयाच्या वतीन श्री. अ. अ. शेख यांनी नियोजनबध्द कामकाज व पत्रव्यवहार केला सदर कारवाईप्रसंगी सांगोला पोलीस
अवैध सावकारी संदर्भाने यापूढे कडक कारवाई केली जाणार असल्याने नागरीकांनी अवैध सावकारी संदर्भात कोरे चेक, कोरे बॉन्ड अथवा इतर काही पुराव्याबाबत सावकाराचे सहाय्यक निबंधक तथा सहाय्यक निबंधक, सहकारी संस्था, सांगोला, जि. सोलापूर यांचे कार्यालयाशी संपर्क साधावा.
श्री. पी. आर. नालवार, सहाय्यक निबंधक
स्टेशनचे पोलिस निरीक्षक श्री. अनंत कुलकर्णी यांचे नेतृत्वाखालील पोलीस पथकाने चोख बंदोबस्त ठेवला होता..
0 Comments