धक्कादायक ...बेपत्ता झालेली मुलीने मामाच्या घरी गळफासाने संपविले जीवन पंढरपूरमध्ये घडला प्रकार
आठ दिवसांपूर्वी बेपत्ता झालेल्या २० वर्षीय मुलीने मामाच्या घरी जाऊन उपरण्याच्या साहाय्याने गळफास घेऊन आयुष्य संपवले. निकिता रामदास मुगदल (वय २० रा. एकता नगर पंढरपूर) असे आत्महत्या केलेल्या मुलीचे नाव आहे.
ही घटना सोमवार दि २४ रोजी एकतानगर पंढरपूर येथे उघडकीस आली. घटनेमुळे परिसरामध्ये हळहळ व्यक्त करण्यात आली. पोलिसांनी सांगितले की, निकिता ही नुकतीच बारावी पास झाली होती. तिचे आई वडील मजुरीचे काम करतात.
निकीताला तीन बहिणी एक भाऊ आहे. निकिता ही १७ जुलै रोजी घरातून बेपत्ता झाली होती. रविवार दिनांक २३ रोजी ती घरी आली असता नातेवाईकांनी तिला पोलीस ठाण्यामध्ये नेलं. यावेळी तिने पोलिसांना सांगितलं की मी स्वतः निघून गेले होते.
माझे अपहरण झाले नव्हते त्यामुळे माझी कोणाविरोधात तक्रार नाही असा जबाब तिने पोलिसांकडे लिहून दिला होता. जबाब लिहून दिल्यानंतर आईसोबत घरी जाण्याऐवजी निकिताने मामाच्या घरी पंढरपूर येथे जाण्याचा आग्रह धरला.
त्यानुसार ती मामाच्या घरी गेली. सोमवारी सकाळी तिने मामाच्या घरी दुसऱ्या मजल्यावर रूममध्ये छताच्या हुकाला उपरणे बांधून गळफास घेऊन जीवनप्रवास संपवला.
घराचा दरवाजा उघडा असल्यामुळे शेजारी राहणाऱ्या नागरिकांच्या ही बाब लक्षात आली. दरम्यान, तिला तात्काळ घाटी रुग्णाला दाखल करण्यात आले असता डॉक्टरांनी तपासून मृत घोषित केलं.
निकिताने आत्महत्या का केली याचं कारण अद्याप समजू शकले नाही. याप्रकरणी वाळूज एमआयडीसी पोलीस ठाण्यामध्ये आकस्मिक मृत्यूची नोंद करण्यात आली असून पोलीस हेडकॉन्सटेबल उदे तपास करीत आहेत.
0 Comments