सांगोला तालुका दुष्काळाच्या खाईत..भीमशक्ती संघटना महाराष्ट्र राज्य संस्थापक अध्यक्ष विजय (बापू) बनसोडे

 

सांगोला तालुका दुष्काळाच्या खाईत..

भीमशक्ती संघटना महाराष्ट्र राज्य संस्थापक अध्यक्ष विजय (बापू) बनसोडे

शब्दरेखा एक्सप्रेस न्युज नेटवर्क

 सांगोला प्रतिनिधी :-'पड पड रे पावसा, तहानला जीव, रानोमाळी काळी आई, मुकेच ढाळी आसवं, काळ्या मेघातच पाहती, सपान बहराचं!' संपूर्ण सांगोला तालुका कोरड्या दुष्काळाच्या खाईत लोटला जात आहे. संपूर्ण खरीप हंगाम वाया जाणार, अशी साधार भीती व्यक्त होत आहे.

 जुलै महिना सरायला आता केवळ नऊ दिवस उरले असताना सांगोला तालुक्यात मोठा पाऊस झालेला नाही. त्यामुळे पावसाअभावी आतापर्यंत तालुक्यात फक्त १० टक्केच खरिपाच्या पेरण्या झाल्या आहेत.

 तालुक्यात खरीप हंगामामध्ये ज्वारी, बाजरी, तूर, उडीद, मूग, भुईमूग आणि सोयाबीन अशी पिके घेतली जातात. तालुक्याचे वार्षिक सरासरी पाऊसमान साडे पाचशे ते सहाशे मिलीमीटर असताना आतापर्यंत या सरासरीने पन्नाशीही गाठलेली नाही. 

सांगोला तालुक्यातील सर्वच्या सर्व म्हणजे १०२ महसुली गावे खरीप हंगामाच्या कक्षेत येतात. सांगोला तालुक्यातील गटामध्ये असणारे गावे महुड ,एखतपुर,घेरडी ,जवळा, कडलास, चोपडी आणि कोळा या सात महसुली मंडळात पाऊसमान मोजण्यात येते.