सोलापूर जिल्ह्यातील दोन महिलांनी सरपंचपद गमाविले; तिघांचे सदस्यपद ही गेले ; जिल्हाधिकारी शंभरकरांची कारवाई पदाचा गैरवापर करून शासकीय जागेवर अतिक्रमण केल्याचा फटका

 सोलापूर जिल्ह्यातील दोन महिलांनी सरपंचपद गमाविले; तिघांचे सदस्यपद ही गेले ;

जिल्हाधिकारी शंभरकरांची कारवाई पदाचा गैरवापर करून शासकीय जागेवर अतिक्रमण केल्याचा फटका

सोलापूर ( शब्दरेखा एक्सप्रेस न्यूज ) दक्षिण सोलापूर तालुक्यातील वडकबाळ आणि वडापूर या दोन गावातील महिला सरपंचांचे सरपंच पद जिल्हाधिकारी मिलिंद शंभरकर यांनी रद्द केले आहे. यासह तीन ग्रामपंचायत सदस्यांचे सदस्य पद ही त्यांनी रद्द केल्याची कारवाई केली.

वडकबाळ गावातील उमाबाई धोंडीबा बिराजदार व इतर दोघांनी गावच्या सरपंच राजश्री रविकांत होनमाने यांनी शासकीय जागेवर अतिक्रमण केल्याची तक्रार केली होती चौकशीनंतर अतिक्रमण केल्याचे सिद्ध झाल्याने राजश्री होनमाने यांचे सदस्य व सरपंच पद जिल्हाधिकारी शंभरकर यांनी रद्द केले आहे.

यासह वडकबाळ गावातील अनिता गणपती राठोड व पूजा विलास राठोड या दोन ग्रामपंचायत सदस्यांनी शासकीय जमिनीवर अतिक्रमण केल्याचे सिद्ध झाल्याने त्यांचेही सदस्यपद रद्दची कारवाई जिल्हाधिकाऱ्यांनी केली. याबाबत ही उमाबाई बिराजदार यांनीच तक्रार दिली होती.

वडापूरच्या सरपंच राजश्री औदुंबर कोळी या अनुसूचित जमाती या प्रवर्गातून निवडून आल्या होत्या मात्र जात पडताळणी समितीने त्यांचे जात प्रमाणपत्र रद्द केल्यामुळे त्यांचे सदस्य व सरपंचपद रद्दची कारवाई जिल्हाधिकारी यांनी केली. याप्रकरणी भाऊसाहेब बाजीराव पाटील यांनी तक्रार केली होती.

पंढरपूर तालुक्यातील रांजणी गावच्या ग्रामपंचायत सदस्य रेश्मा राजाराम शिंदे यांनी निवडणूक खर्चाचा हिशोब वेळेवर सादर न केल्याचा अहवाल तहसीलदारांनी दिला होता. त्यानुसार त्यांचेही सदस्यपद रद्द करण्याची कारवाई जिल्हाधिकारी मिलिंद शंभरकर यांनी केली आहे.