सांगोला आगारातून आटपाडीला निघालेली एस.टी बस नाझरे येथे बेशिस्त वाहतुकीमुळे त्रस्त; महिला कंडक्टर तक्रार देण्यासाठी थेट पोलीस आऊट पोस्टमध्ये

 सांगोला आगारातून आटपाडीला निघालेली एस.टी बस नाझरे येथे  बेशिस्त

वाहतुकीमुळे त्रस्त; महिला कंडक्टर तक्रार देण्यासाठी थेट पोलीस आऊट पोस्टमध्ये

नाझरा (शब्दरेखा एक्सप्रेस न्यूज नेटवर्क सांगोला) :- सांगोला आगारातून आटपाडीला निघालेली एस.टी बस नाझरे येथे बेशिस्त वाहतुकीमुळे तसेच शुक्रवारी नाझरे गावचा बाजार असल्या कारणाने

 होणार्या गर्दीमुळे ट्राफिक जाम होते. त्यामध्ये गाड्या रोडवरच लावल्याने व लोकही रोडवर थांबून गप्पा मारत बसत असल्याने वाहतूक कोंडी प्रचंड होते. 

त्यामुळे ही बस अर्धा तास थांबून राहिली होती. बसला जाण्यासाठी वाटच न राहिल्याने व बसमधील प्रवाशी देखील चालक वाहकावरच ओरडू लागल्याने त्रस्त होऊन बसमधील महिला कंडक्टर उतरून

 थेट नाझरे ता. सांगोला येथील पोलीस आउट पोस्ट मध्ये बेशिस्त वाहतुकीची तक्रार देण्यासाठी गेल्या परंतु त्यावेळी तिथं कोणीचनसल्या कारणाने

 त्यांना नाईलाजाने तशीच वाट काढत गाड्या बाजूला करत पुढं जावं लागले. यामध्ये त्यांना खूप त्रास सहन करावा लागला.

सांगोला तालुक्यातील नाझरे गाव हे मोठी बाजारपेठ असणारे पंचक्रोशीतील गाव आहे. येथे आसपासच्या गावातून येणार्या नागरिकांची नेहमी वर्दळ असते. तसेच इथून सांगोला आटपाडी हा जिल्हा मार्ग देखील आहे.

त्यामुळे आसपासच्या परिसरात जाण्यासाठी या मार्गावर सतत वाहतूक सुरू असते व तेवढीच लोकांची गर्दी देखील असते. 

परंतु गावामध्ये काहीजण वाहतुकीचे नियम पाळत नसल्याने व त्यावर कोणाचेच नियंत्रण नसल्याने कोणी कोठेही रस्त्यावर गाड्या उभ्या करूननिघून जातात किंवा रस्त्यात गप्पांचा फड रंगलेला असतो. त्यांना आपण रस्त्यात उभे आहोत किंवा आपलं वाहन वाटेत आहे. 

याबद्दल त्यांना किंचित देखील भान राहत नाही त्यामुळे येथून प्रवास करणाऱ्या प्रवाशांना याचा मोठा मनस्ताप सहन करावा लागत आहे. त्याबद्दल प्रवाशांनी वारंवार तक्रार करून देखील ना ग्रामपंचायत काही करते,

 ना पोलिस प्रशासन. त्यांच्यातच आपली जबाबदारी नाही हे वारंवार सांगण्यात येत आहे त्यामुळे आता संबंधित यंत्रणेनेच सांगावं 

की यावर काही उपाय आहे का ? जे हे चालतय तस चालू द्या हे तरी यंत्रणेने स्पष्ट करावं अशा तीव्र प्रतिक्रिया प्रवाशांकडून व्यक्त केल्या जात आहेत.