सांगोला सदगुरू हॉस्पिटलमध्ये महात्मा फुले जन आरोग्य योजनेचा मिळणार लाभ; योजनेच्या पहिल्या रुग्णांवर यशस्वी शस्त्रक्रिया

सांगोला सदगुरू हॉस्पिटलमध्ये महात्मा फुले जन आरोग्य योजनेचा मिळणार लाभ;

योजनेच्या पहिल्या रुग्णांवर यशस्वी शस्त्रक्रिया

सांगोला (प्रतिनिधी) : सांगोला शहरातील सुप्रसिध्द अस्थिरोग तज्ञ डॉ. धनंजय गावडे यांच्या सदगुरूहॉस्पिटल मध्ये महात्मा फुले जन -आरोग्य योजना महाराष्ट्र शासनाच्या -आरोग्य विभागाकडून नोंदणीकृतकरण्यात आल्या आहेत. 

आजपर्यंत सदगुरू हॉस्पिटलचे डॉ. धनंजय गावडे यांनी चांगल्या प्रकारे आरोग्य विभागात कार्य केले असून ते अधिकाधिक बळकट व्हावे यासाठी गोरगरीब दारिद्र्य रेषेखालील आर्थिक मागासलेल्या रुग्णांनी

 सदगुरू हॉस्पिटल येथे महात्मा फुले योजनेअंतर्गत उपचार घ्यावेत, असे आवाहन डॉ. धनंजय गावडे यांनी केले आहे. या योजनेतून पिवळे व केशरी रेशनकार्डधारक कुटुंबियांना मोफत औषधोपचार, अंतररुग्ण उपचार, शस्त्रक्रिया मोफत करण्यात येणार आहेत.

हॉस्पिटलच्यावतीने रुग्णांना मोफत जेवण तसेच जातानाघरापर्यंत हॉस्पिटलच्या खर्चाने पोहोचविण्याची सोयही करण्यात आलेली आहे. महात्मा ज्योतिबा फुले जनआरोग्य योजनेचा स्वतंत्र कक्ष सदगुरू हॉस्पिटलमध्ये कार्यरत झाला आहे.

या योजनेमध्ये हाडांच्या शस्त्रक्रिया, शरीरामध्ये रक्त कमी 2 असणे, जबड्याचे फॅक्चर, अपडेक्स, फुफुसाचे सर्व आजार, जंतूसंसर्गामुळे होणारे आजार, पॉलिट्रॉमा, क्रिटिकल इलनेस आदी आजार राज्य सरकारच्या महात्मा फुले जनआरोग्य योजनेतून मोफत होणार आहेत.

गोरगरीब रुग्णांना सोलापूर, अकलूज, मिरज, सांगली, कोल्हापूर येथे उपचारांसाठी जावेलागते. गोरगरीब रुग्णांना योजनांची माहिती नसते त्यामुळे त्यांना आजारपणात अनेक संकटांचा सामना करावा लागत आहे. सदगुरू हॉस्पिटल हे अद्ययावत हॉस्पिटल असून महात्मा फुले योजनांचा गोरगरीब रुग्णांनी लाभ घ्यावा, असे आवाहन डॉ. धनंजय गावडे यांनी केले आहे.

 महात्मा ज्योतीराव फुले जनआरोग्य योजनेतून सांगोला एस.टी. स्टॅण्ड जवळील सदगुरू हॉस्पिटलमध्ये मोफत उपचार व शस्त्रक्रियेसाठी रुग्ण व त्यांच्या नातेवाईकांनी मो. ०२१८७- २२००२०, ७०६६३७३८५८ यावर संपर्क साधावा असे आवाहनही हॉस्पिटलच्या वतीने करण्यात आले आहे...