श्री दरिलींग बहुउद्देशीय व सामाजिक संस्था तिप्पेहळ्ळी संस्थेच्या वर्धापन दिनानिमित्त सत्कार समारंभ संपन्न

श्री दरिलींग बहुउद्देशीय व सामाजिक संस्था तिप्पेहळ्ळी संस्थेच्या वर्धापन दिनानिमित्त सत्कार समारंभ संपन्न

कोळा वार्ताहर -तिप्पेहळ्ळी(गणेशनगर) येथे श्री दरिलींग बहुउद्देशीय व सामाजिक संस्थेच्या चतुर्थ वर्धापन दिनानिमित्त मौजे तिप्पेहळ्ळी मधील नव्याने विविध विभागात निवड झालेल्या मुलांचा व इयत्ता बारावी मध्ये उत्कृष्ठ गुण मिळालेल्या गुणवंत विद्यार्थ्यांचा सत्कार मंगळवार दिनांक-

 30/05/2023 रोजी सायं ठिक -5:00 वा आयोजित केला होता. या कार्यक्रमाची सुरुवात मान्यवरांच्या हस्ते दीपप्रज्वलन व प्रतिमा पूजन करून करण्यात आली. या कार्यक्रमाचे प्रास्ताविक श्री उमाजी बजबळकर युवक नेते यांनी केले. 

विविध विभागात निवड झालेल्या मुलांचे व गुणवंत विद्यार्थ्यांचे अभिनंदन केले. इतर मुलांनी या विविध विभागात गेलेल्या मुलांची प्रेरणा घेऊन चांगला प्रयत्न केला तर, गावामध्ये चांगले नोकरदार तयार होतील असे मार्गदर्शन केले.

               या कार्यक्रमासाठी उपस्थित असलेले मान्यवर श्री संभाजी आलदर तात्या माजी सभापती पंचायत समिती सांगोला,ॲड श्री सचिन देशमुख जि.प.सदस्य, श्री अमृत पाटील विद्यमान ग्रामपंचायत सदस्य जुनोनी, 

श्री संतोष करांडे युवक नेते कोळे, श्री सुभाष करांडे लक्ष्मीदेवी ट्रस्ट अध्यक्ष, श्री प्रकाश करांडे युवक नेते, श्री काका पांढरे सर माजी ग्रामपंचायत सदस्य कोळे, या सर्व प्रमुख पाहुण्यांचे स्वागत संस्थेच्या वतीने व मान्यवरांच्या शुभहस्ते फेटा,पुष्पहार व गुलाबपुष्प देऊन करण्यात आले.

             विविध विभागात नव्याने निवड झालेले कुमार शंकर अरुण बजबळकर भूमी अभिलेख सर्वेअर, कुमार सुभाष श्रीमंत बजबळकर मुंबई पोलीस, कुमार विक्रांत सुखदेव नरळे मुंबई पोलीस, श्री चंद्रकांत दामू बजबळकर मुंबई पोलीस, कुमार हनुमंत ईश्वर आटपाडकर मीरा भाईंदर पोलीस, 

श्री समाधान शंकर नरळे मुंबई पोलीस, कुमार सुशांत भीमराव बजबळकर इंडियन नेव्ही, या सर्व सत्कारमूर्तींचा सत्कार शाल, श्रीफळ फेटा व गुलाबपुष्प देऊन संस्थेच्या वतीने व मान्यवरांच्या शुभहस्ते करण्यात आला. 

तसेच इयत्ता बारावी मध्ये नुकताच निकाल जाहीर झालेल्या जुनोनी विद्यालय व जुनिअर कॉलेज जुनोनी येथे शिकत असलेल्या कुमारी मोनिका भिमराव बजबळकर-प्रथम क्रमांक, कुमारी निकीता भिमराव नरळे -द्वितीय क्रमांक,

 कुमारी रेश्मा ज्ञानू नरळे- तृतीय क्रमांक, त्याचबरोबर सांगली हायस्कूल सांगली येथे शिकत असलेला कुमार राज दुर्योधन नरळे याने तृतीय क्रमांक मिळविला. या सर्व तिप्पेहळ्ळी मधील गुणवंत विद्यार्थ्यांचा सत्कार संस्थेच्या वतीने व मान्यवरांच्या शुभहस्ते पुष्पहार व गुलाबपुष्प देऊन करण्यात आला.

             जि.प.सदस्यॲड श्री सचिन देशमुख यांनी आपल्या मनोगतामधून नवीन सर्व सत्कारमूर्तींचे अभिनंदन केले. व भावी कार्यासाठी शुभेच्छा दिल्या. सध्याच्या युवकांनी या मुलांचा आदर्श घ्यावा. मोबाईलवर आपला बहुमोल असा वेळ वाया न घालवता तो वेळ अभ्यासामध्ये घालवावा.

 यश तुमच्या पाठीशी उभे राहील असे तरुणांना मार्गदर्शन केले. माझी पंचायत समिती सभापती श्री संभाजी आलदर तात्या यांनीही उपस्थितांना मोलाचे मार्गदर्शन केले. सध्याच्या युवकांनी नोकरी बरोबर इतरही क्षेत्रांमध्ये चांगले कार्य करण्याचा प्रयत्न केला पाहिजे असे सांगितले. 

श्री भगवान सांगोलकर गुरुजी यांनी आपल्या मनोगतामधून सर्व सत्कारमूर्तींचे अभिनंदन केले.व शेवटी सत्कारमूर्तींनी आपला यशाचा अनुभव सांगितला. त्यामध्ये कुमार सुभाष श्रीमंत बजबळकर मुंबई पोलीस, 

कुमार विक्रांत सुखदेव नरळे मुंबई पोलीस, श्री चंद्रकांत बजबळकर मुंबई पोलीस यांनी सतत केलेल्या अभ्यासाने व परिश्रमाने हे यश मिळाल्याचे सांगितले.

            या कार्यक्रमासाठी श्री सोपान नरळे माजी सरपंच, श्री तानाजी नरळे माजी सरपंच, श्री भगवान नरळे वस्ताद माजी उपसरपंच, श्री ज्ञानू नरळे माजी ग्रामपंचायत सदस्य, श्री रामा करांडे माजी ग्रामपंचायत सदस्य, श्री एकनाथ नरळे ह.भ.प, श्री उर्मिजा नरळे हवालदार, 

डॉक्टर अक्षय बजबळकर, श्री भिमराव बजबळकर मुकादम, श्री किसन नरळे भारूडकार, श्री उदय नरळे सर, श्री अशोक सरगर सर कोळे, श्री दत्तात्रय बजबळकर मुंबई महानगरपालिका, श्री धोंडीराम बजबळकर उद्योजक, 

श्री जालिंदर नरळे ह.भ.प, सत्कारमूर्तींचे व विद्यार्थ्यांचे पालक ग्रामस्थ व महिला मोठ्या संख्येने उपस्थित होते. सर्व उपस्थितांना चहा व अल्पोपहाराची सोय 

संस्थेच्या वतीने करण्यात आली. या कार्यक्रमाचे सूत्रसंचालन श्री आनंदा आलदर सर यांनी केले व आभार ज्ञानेश्वर सांगोलकर सर यांनी मानले.