सांगोला विज्ञान महाविद्यालयामध्ये पुण्यश्लोक अहिल्यादेवी होळकर यांची जयंती साजरी

 सांगोला विज्ञान महाविद्यालयामध्ये पुण्यश्लोक अहिल्यादेवी होळकर यांची जयंती साजरी

         

विज्ञान महाविद्यालय सांगोला येथे पुण्यश्लोक अहिल्यादेवी होळकर यांची जयंती साजरी करण्यात आली. कार्यक्रमाच्या सुरुवातीला प्रमुख पाहुणे प्रा. अशोक वाकडे महाविद्यालयाचे प्राचार्य डॉ सिकंदर मुलानी, प्रा. संभाजीराव शिंदे, प्रा. अविनाश लोखंडे यांच्या हस्ते प्रतिमा पूजन करून त्यांना विनम्र अभिवादन करण्यात आले.

             कार्यक्रमाचे प्रमुख पाहुणे प्रा. अशोक वाकडे आपले मनोगत व्यक्त करताना अहिल्यादेवी एक दानशूर, कर्तुत्वान, धर्मपरायण व राज्यकर्ते म्हणून ओळखल्या जातात इतिहासात त्यांचे नाव त्यांच्या कर्तुत्वाने सुवर्ण अक्षराने कोरले गेलेले आहे. तत्कालीन परिस्थितीमध्ये स्त्री शिक्षण फारसे प्रचलित नसताना त्यांच्या वडिलांनी त्यांना लिहिण्या वाचण्यास शिकवले

 तसेच राज्यकारभार कसा चालवावा, युद्ध कसे करावे याचेही शिक्षण दिले त्यांनी संपूर्ण भारतात लोककल्याणकारी कामे करून दाखवले सर्व धर्मियांच्या तीर्थक्षेत्राला सन्मानाने जपले पाहिजे .त्याचा मान सन्मान ठेवला पाहिजे याची शिकवण दिले शूद्र अतिशूद्र मुस्लिम लोकांमध्ये सुद्धा लोककल्याणकारी काम केले. 

समाजातील सर्व धर्मातील स्त्रियांना मान सन्मान देऊन जगण्याचे व संपत्ती मिळवण्याचे अधिकारही त्यांनी दिले. अशा या राजमातेला मानाचा मुजरा असा विचार त्यांनी स्पष्ट केला. तेव्हा विद्यार्थ्यांनी आदर्शवादी व्यक्ती डोळ्यासमोर ठेवून आपल्या जीवनाची जगण्याची प्रेरणा ठेवावी. असा आशावाद त्यांनी व्यक्त केला.

               कार्यक्रमाचे अध्यक्ष महाविद्यालयाचे प्राचार्य डॉ. शिकंदर मुलानी यांनी आपले मनोगत व्यक्त करताना स्पष्ट केले की, अहिल्यादेवी होळकर यांनी सर्वसमावेशकता ठेवून लोककल्याणकारी काम करून समाजाला सशक्त बनवण्याचं महान कार्य केले .

सर्व जाती-धर्मातील लोकांना एकत्रित करून समानतेची वागणूक दिली समाजाच्या जडणघटनेमध्ये अहिल्यादेवी यांचं योगदान हे मोलाच आहे. तेव्हा अहिल्यादेवी होळकर यांच्या विचारांना स्मरून विद्यार्थ्याने आपल्या जीवनाला आकार दिला पाहिजे .

त्यांचा आदर्श डोळ्यासमोर ठेवला पाहिजे. असा आशावाद त्यांनी व्यक्त केला. प्रा. संभाजी शिंदे यांनी आपले मनोगत व्यक्त करताना एकूण शिक्षणाची असणारी स्थिती त्यातून विद्यार्थ्यांची होणारी जडणघडण ही बाब चिंताजनक असल्याचे स्पष्ट केले. 

तेव्हा विद्यार्थ्यांनी आपल्या आयुष्यामध्ये राष्ट्रपुरुष राष्ट्रसंत अशा थोर आदर्शवादी व्यक्तींचा मान सन्मान ठेवून आपल्या जीवनामध्ये संस्कार घडवावेत आणि संस्कारक्षम शिक्षण घ्यावे तर त्याच्या जडणघडणीला योग्य आकार मिळेल तेव्हा विद्यार्थ्यांनी थोर व्यक्तींपासून प्रेरणा घ्यावी असा आशावाद स्पष्ट केला.

          कार्यक्रमाचे सूत्रसंचालन प्रा. दीपक रिटे यांनी केले. आभार प्रा. अविनाश लोखंडे यांनी मानले. कार्यक्रमाला शिक्षक शिक्षकेतर कर्मचारी विद्यार्थी विद्यार्थिनी मोठ्या संख्येने उपस्थित होते.