राजकीय हेतूने प्रेरित होऊन सांगोला शहरातील अतिक्रमणावर मुख्याधिकारी यांनी केलेल्या कारवाईची तातडीने चौकशी करण्याची जय मल्हार क्रांती संघटनेची मागणी !

 राजकीय हेतूने प्रेरित होऊन सांगोला शहरातील अतिक्रमणावर मुख्याधिकारी

यांनी केलेल्या कारवाईची तातडीने चौकशी करण्याची जय मल्हार क्रांती संघटनेची मागणी !

 सांगोला प्रतिनिधी (शब्दरेखा एक्सप्रेस न्यूज नेटवर्क) सांगोला नगरपरिदेचे काही माजी नगरसेवक यांनी आपल्या राजकीय स्वार्थासाठी उपोषण, आंदोलने करून 

सांगोला शहरातील काही ठराविक ठिकाणची अतिक्रमणे काढण्यास मुख्याधिकारी यांना भाग पाडले. मुख्याधिकारी यांनीही या नगरसेवकांच्या दबावाखाली फक्त गोरगरीबांचीच अतिक्रमणे काढली आहेत.

 धनदांडग्या लोकांची अतिक्रमणे मुख्याधिकारी यांनी काढली नाहीत. त्यामुळे ज्यांची अतिक्रमणे काढली आहेत.ते मुख्याधिकारी यांच्या या कारवाई बद्दल संताप व्यक्त करताना दिसत आहेत. 

मुख्याधिकारी यांनी राजकीय हेतुने प्रेरित होऊन. हि कारवाई केल्यामुळे सांगोला शहरातील संतापाची लाट पसरली आहे.

त्यामुळे मुख्याधिकारी यांनी सांगोला शहरातील हटवण्यात आलेल्या संपूर्ण अतिक्रमणाची तातडीने चौकशी करून संबंधीतांंवर योग्य कडक कारवाई करण्यात यावी

 अश्या अशयाचे निवेदन जय मल्हार क्रांती संघटनेचे जिल्हा अध्यक्ष उमेश मंडले यांनी जिल्हाधिकारी यांच्या कडे सादर करून मागणी केली आहे.

सांगोला नगरपरिषदेचे तात्कालीन मुख्याधिकारी यांनी गेल्या १० वर्षात शहरातील कोणत्याही ठिकाणची अतिक्रमणे काढलेली नाहीत.

त्यामुळे अनेक धनदांडग्या व्यापाऱ्यांनी नगरपरिषदेच्या सर्व शॉपिंग सेंटर मधील अनेक गाळे धारकांनी लिलाव मधील अटींचा,शर्तीचा भंग करून न.पा.ची कोणत्याही परवानगी न घेता गाळ्यासमोर भलेमोठे ओठे बांधलेले आहेत.

 गाळ्यासमोर पत्रे मारलेले आहेत. अनेक गाळेधारकांनी गाळे पोटभाड्याने घेवून दोन्ही गाळ्या मधील असणाऱ्या भिंती विनापरवाना पाडल्या आहेत. 

अनेक गाळेधारकांनी गाळ्यासमोरील पादचारी मार्गात आपल्या दुकानातील साहित्य ठेवून पादचारी मार्गावर अडथळा निर्माण केला आहे. 

अनेक गाळेधारकांनी आपल्या गाळ्यात बेकायदेशीर अवैध व्यावसाय सुरू केले आहेत. अनेक गाळेधारकांच्या गाळ्याची मुदत संपलेली आहे. 

तरीही लिलाव होत नाही.दि.३/७/२०२० राजी (ठराव  क्र.१२) ठराव करून न.पा.च्या मालकीचे सर्व गाळे ३० वर्षे मुदतीने देण्यासाठी जिल्हाधिकारी यांच्या कडे प्रस्ताव सादर केला आहे.

परंतु प्रस्ताव पाठवून ३ वर्ष झाली परंतु अजून ३० वर्षे मुदतवाढ प्रस्तावाला जिल्हाधिकारी यांची मंजुरी मिळाली नाही.शहरातील अनेक धनदांडग्या नागरिकांनी काही ठिकाणी सरकारी जागेवर अतिक्रमणे करून त्या ठिकाणी बेकायदेशीर बांधकाम करून ती भाड्याने देवून भाडे खात आहेत.

शहरातील अनेक ठिकाणच्या न.पा.च्या मालकीच्या व सरकारी मोकळ्या जागेत अनेकांनी अतिक्रमणे केली आहेत.

 या सर्व अतिक्रमणाकडे मुख्याधिकारी यांनी जाणीव पुर्वक कानाडोळा करून. फक्त हातावर पोट असणाऱ्या नागरिकांची अतिक्रमणे काढल्यामुळे त्याच्यावर उपासमारीची वेळ आली आहे.

गेल्या काही वर्षापुर्वी स्टेशन रोडवरील असणाऱ्या टप-या रस्तारुंदीकरणाच्या नावाखाली काढून अनेकांचा प्रपंच मोडीत काढले होते.

त्यांना त्रिमूर्ती सिनेमासमोर जागा उपलब्ध करून दिल्या. परंतु त्या ठिकाणी व्यावसाय होत नसल्याने अनेकांनी दुकानदारी बंद करून मोलमजुरी करून आपल्या कुटुंबाचा उदरनिर्वाह चालवत आहेत. मुख्याधिकारी यांना खरोखरच अतिक्रमणे हटवायची असतील

 तर सांगोला शहरातील सर्व ठिकाणच्या बांधकामांचे सर्वे करा त्यानंतर अतिक्रमणावर कारवाई करण्यात यावी.सांगोला नगरपरिषदेनेही अतिक्रमण केले आहे. 

नवीन कोर्टासमोर वकीलांसाठी बांधण्यात आलेले गाळे हे कायदेशीर आहेत काय ? ज्या जागेत गाळे बांधण्यात आले आहेत. ती जागा आपल्याला कोणत्या कारणासाठी देण्यात आली आहे. 

ते एखादा तपासून घ्या. हि जागा आपल्याला ज्या कारणासाठी दिली आहे. त्या कारणासाठी आपण त्या जागेचा वापर न केल्यामुळे आपण शर्तभंग केला आहे.

हेही आपण सरकारी जागेवर अतिक्रमणच केले आहे. हे अतिक्रमण आपण केव्हा काढणार ? अतिक्रमणावरच कारवाई करायची झाल्यास अतिक्रमणाची यादी खूप मोठी आहे.

 त्यामुळे मुख्याधिकारी यांनी सरसकट अतिक्रमणे न काढता राजकीय हेतूने प्रेरित होऊन फक्त गोरगरिबांचीच अतिक्रमणे काढली आहेत. 

त्यामुळे मुख्याधिकारी यांनी अतिक्रमणावर केलेल्या या कारवाईची चौकशी करून कारवाई करण्यात यावी अशी मागणी जिल्हाधिकारी यांच्या कडे करण्यात आल्याची माहिती जय मल्हार क्रांती संघटनेचे जिल्हा अध्यक्ष उमेश मंडले यांनी दिली आहे.