सांगोला खरेदी विक्री संघाच्या चेअरमनपदी इंजि.रमेश जाधव तर, व्हा.चेअरमनपदी तुकाराम भुसनर यांची बिनविरोध निवड
सांगोला : सांगोला तालुका खरेदी विक्री संघाच्या नूतन चेअरमनपदी शेकापचे इंजि.रमेश जाधव यांची तर,व्हा. चेअरमनपदी शेकापचेच तुकाराम भुसनर यांची बिनविरोध निवड करण्यात आली आहे.या निवडीनंतर नूतन चेअरमन व व्हा.चेअरमन यांचा ज्येष्ठ नेते चंद्रकांतदादा देशमुख व पुरोगामी युवक संघटनेचे प्रदेशाध्यक्ष डॉ.बाबासाहेब देशमुख यांच्या हस्ते फेटा बांधून सत्कार करण्यात आला.सांगोला तालुका खरेदी विक्री संघावर गेल्या
अनेक वर्षापासून स्व.भाई गणपतराव देशमुख यांच्या नेतृत्वाखालील शेकापची सत्ता असून त्यांचे निधनानंतर जानेवारीमध्ये प्रथमच पार पडलेली खरेदी विक्री संघाची पंचवार्षिक निवडणूक ही अखेरच्या क्षणी आ.शहाजीबापू पाटील व माजी आमदार दिपकआबा साळुंखे-पाटील यांच्या सहकार्याने बिनविरोध करण्यात
शेकापचे युवा नेते डॉ.बाबासाहेब देशमुख यांना यश मिळाले. सांगोला तालुक्यातील शेकाप-राष्ट्रवादी व आ.शहाजीबापू गटात तडजोड होवून एकूण १७ पैकी १४ जागा शेकापने घेतल्या तर, आबा -बापू गटाला ३ जागा देऊन शेकापने खरेदी विक्री संघावर आपले वर्चस्व कायम राखले.
खरेदी विक्री संघाच्या नुतन चेअरमन व व्हाईस चेअरमन पदासाठी बुधवार दि.१५ फेब्रुवारी रोजी शेकापचे जेष्ठ नेते चंद्रकांतदादा देशमुख व भाई डॉ.बाबासाहेब देशमुख यांच्या मार्गदर्शनाखाली मागील अनेक वर्षापासूनचे चेअरमन
स्व. पी.डी.जाधव यांचे चिरंजीव इंजि.रमेश जाधव यांची चेअरमनपदी तर,व्हाईस चेअरमनपदी तुकाराम भुसनर यांची बिनविरोध निवड करण्यात आल्याचे सहाय्यक निबंधक तथा निवडणूक निर्णय अधिकारी प्रकाश नालवार यांनी जाहीर केले.
यावेळी पंचायत समितीचे माजी सभापती बाळासाहेब काटकर,कृषी उत्पन्न बाजार समितीचे चेअरमन गिरीश गंगथडे,नूतन संचालक सर्वश्री तानाजीकाका पाटील, दिपकराव चोथे,वैभव केदार,महूदचे ताटे,संजय खडतरे, माजी उपसभापती नारायण जगताप,माजी उपसभापती संतोष देवकते,शेकापचे ज्येष्ठ नेते विठ्ठलराव शिंदे,पोपट गडदे यांचेसह
पुरोगामी युवक संघटनेचे तालुकाध्यक्ष दीपक गोडसे,अरविंद केदार,उद्योगपती मनोज ढोबळे, बाळासाहेब शिंदे,दादा जगताप, हनुमंत कोळवले सर,नितीन गव्हाणे, संगम आप्पा धांडोरे,माजी नगरसेवक किशोर बनसोडे, शिवाजी देवकते, लिपिक बबन पाटील तसेच इतर सभासद उपस्थित होते.
0 Comments