अभिनंदन ! एसएफआयच्या राज्य उपाध्यक्षपदी सोलापूरचे मल्लेशम कारमपुरी यांची निवड
सोलापूर:- स्टुडंट्स फेडरेशन ऑफ इंडिया (SFI) चे तीन दिवसीय १८ वे महाराष्ट्र राज्य अधिवेशन रविवारी (दि.२०) संपन्न झाले. या अधिवेशनात विद्यार्थ्यांच्या विविध प्रश्नांवर चर्चा करण्यात आली. तसेच विद्यार्थ्यांच्या विविध विषयांसंदर्भात ठराव मांडून पारित करण्यात आले. सोलापुरातून २० प्रतिनिधी सहभागी होते तर राज्यभरातील २१४ प्रतिनिधी या अधिवेशनात सहभागी झाले होते. यावेळी ३ वर्षांच्या अहवालावर चर्चा करून ठराव पारित करण्यात आले.
किल्ले शिवनेरी जुन्नर येथे झालेल्या या राज्य अधिवेशनात नवीन राज्य समितीची एकमताने पद्धतीने निवड करण्यात आली. यामध्ये सोमनाथ निर्मळ यांची राज्यध्यक्षपदी तर रोहिदास जाधव यांची राज्य सचिवपदी यांची निवड करण्यात आली. तसेच सोलापुरातून राज्य उपाध्यक्षपदी मल्लेशम कारमपुरी तर राज्य कमिटी सदस्यपदी राहुल जाधव, अतुल फसाले यांची निवड करण्यात आली.राज्य अधिवेशनात १३ जणांचे सचिव मंडळासह ४१ जणांची राज्य कमिटी गठीत करण्यात आली.
यावेळी कमी पटसंख्येच्या जिल्हा परिषद शाळा बंद करण्याचा निर्णय रद्द करा, नवीन शैक्षणिक धोरण रद्द करा, महिलांवरील अत्याचाराविरोधातील लढा तीव्र करा, नोकर भरती त्वरीत करा, धर्मांध शक्तींविरोधातील लढा तीव्र करा, शिक्षणाचे खाजगीकरण रद्द करा आदींसह १५ ठराव एकमताने पारित करण्यात आले.यावेळी संबोधित करताना सोमनाथ निर्मळ म्हणाले, सर्वांना गुणवत्तापूर्ण शिक्षण आणि पात्रतेनुसार रोजगार देण्यासाठी लढाई तीव्र करण्याची हाक हे अधिवेशन देत आहे.
तसेच शाळा बंदीचे धोरण, शिष्यवृत्तीचे प्रश्न, महिलांवरील अत्याचार आणि नवीन शैक्षणिक धोरणाविरोधातील संघर्षासाठी तयार राहण्याचे आवाहन केले.यावेळी राष्ट्रीय महासचिव मयुख बिश्वास, राष्ट्रीय सहसचिव दिनित देंटा यांनी प्रमुख मार्गदर्शन केले आहेत.
यावेळी एसएफआयचे जि.स.मं.सदस्य विजय साबळे, जि.क.सदस्य नेहा वाघमोडे, रोहित सावळगी, तौसिद कोरबू, प्रतीक जाधव, रोहित धोत्रे, दीपाली स्वामी, नेत्रा वाघमोडे, निकिता जगताप, भाग्या कैरमकोंडा, अमोल गुंडू, अखिल गंजी, महेश गुंडला, योगेश सरगर, कृष्णा भद्रे, गणेश वद्दी, प्रवीण ताटी आदी सोलापूरचे प्रतिनिधी सहभागी होते.
0 Comments