मा. आम. दिपकआबा साळंखे पाटील व परिवाराच्या सांत्वनासाठी गुरुवारी खा. शरदचंद्रजी पवार जवळा ता.सांगोला येथे येणार..
सांगोला : राष्ट्रवादी काँग्रेसचे प्रदेश उपाध्यक्ष तथा माजी आमदार दिपकआबा साळुंखे-पाटील यांच्या मातोश्री तसेच सांगोला तालुक्याच्या राजकीय, सामाजिक व अध्यात्मिक क्षेत्रात महत्त्वपूर्ण योगदान देणार्‍या ह.भ. प.शारदादेवी साळुंखे-पाटील यांचे गेल्या महिन्यात दुःखद निधन झाले,
त्यामुळे आजही सर्वत्र हळहळ व्यक्त करण्यात येत असून साळुंखे-पाटील परिवाराशी राष्ट्रवादी काँग्रेसचे राष्ट्रीय अध्यक्ष,माजी केंद्रीय कृषिमंत्री आणि खासदार शरद पवार यांचा विशेष स्नेह असल्याने खा.शरद पवार हे दिपकआबा साळुंखे-पाटील तसेच संपूर्ण साळुंखे-पाटील कुटुंबीयांची सांत्वनपर भेट घेण्यासाठी येत्या गुरुवारी सकाळी १० वा.सांगोला तालुक्यातील जवळा येथे येणार आहेत.
स्वर्गीय आमदार काकासाहेब साळुंखे-पाटील यांचे राजकिय कारकिर्दीपासून (गेली अनेक वर्षापासून) जवळा (ता.सांगोला) येथील साळुंखे-पाटील परिवाराचे आणि खा.शरद पवार यांचे विशेष ऋणानुबंध आहेत.
स्वर्गीय आमदार काकासाहेब साळुंखे-पाटील यांच्या अकाली निधनानंतर सांगोला तालुक्यातील अनेक सामाजिक व राजकीय प्रश्नांवर ह.भ.प.शारदादेवी साळुंखे-पाटील यांनी खा.शरद पवार यांच्याकडे पाठपुरावा करुन तालुक्यातील अनेक प्रश्न मार्गी लावले. तीच परंपरा पुढे माजी आमदार दिपकआबा साळुंखे-पाटील यांनी गेल्या ३५ वर्षाहून अधिक काळ झाले निरंतर जपली आहे.
जवळा येथील साळुंखे-पाटील परिवाराची खा.शरद पवार यांच्यावर आणि संपूर्ण पवार परिवारावर असलेली निष्ठा सर्वश्रुत आहे. सोलापूर जिल्ह्यातील खा.शरद पवार यांचा एक विश्वासू शिलेदार म्हणून माजी आमदार दिपकआबा साळुंखे-पाटील यांची सर्वत्र ओळख आहे. शिवाय खा.शरद पवार यांचेही साळुंखे-पाटील परिवाराशी कौटुंबिक सबंध आहेत.
मागील महिन्यात स्वर्गीय आमदार काकासाहेब साळुंखे-पाटील यांच्या पत्नी तसेच दिपकआबा साळुंखे- पाटील यांच्या मातोश्री ह.भ.प. शारदादेवी साळुंखे-पाटील यांचे वृद्धापकाळाने निधन झाले होते. स्वर्गीय ह.भ.प. शारदादेवी साळुंखे-पाटील यांच्या दुःखद निधनानंतर साळुंखे-पाटील परिवाराप्रती संवेदना व सहवेदना व्यक्त करण्यासाठी
गुरुवार दि.२७ ऑक्टोबर रोजी स.१० वाजता खा.शरद पवार हे आपल्या हेलिकॉप्टरद्वारे जवळा (ता.सांगोला) येथील दिपकआबा साळुंखे-पाटील यांच्या निवासस्थानी येणार असून या भेटीनंतर खा.शरद पवार हे आपल्या पुढील कार्यक्रमासाठी आटपाडीकडे रवाना होतील,अशी माहिती राष्ट्रवादी काँग्रेसचे शहरअध्यक्ष तानाजीकाका पाटील यांनी दिली.
0 Comments