प्रा . सौ . उषा कोळवले / मेखले यांना क्रांती ज्योती सावित्रीबाई फुले शिक्षकरत्न पुरस्कार जाहीर
सांगोला:-साप्ताहिक भगवे वादळ यांच्यावतीने देण्यात येणारा यंदाचा क्रांती ज्योती सावित्रीबाई फुले शिक्षक रत्न पुरस्कार सांगोला तालुक्यातील अजनाळे गावची कन्या व चोपडी गावची सून प्रा . सौ . उषा कोळवले / मेखले यांना जाहीर झाला असून विविध मान्यवरांच्या हस्ते प्रा . सौ . उषा कोळवले / मेखले यांना हा पुरस्कार देण्यात येणार आहे .
हा पुरस्कार जाहीर झाल्याने त्यांच्यावरती शुभेच्छा चा वर्षाव होत आहे . मुंबईतील धारावी येथील साप्ताहिक भगवे वादळचे संपादक मा .श्री . दत्ता खंदारे यांनी या पुरस्काराची घोषणा केली आहे . या पुरस्कारासाठी महाराष्ट्रातून विविध ठिकाणाहून अनेक प्रस्ताव आले होते .
प्रा . सौ . उषा कोळवले / मेखले या विविध क्षेत्रात कार्य करीत आहेत . त्या विद्यादानाचे पवित्र कार्यही करीत आहेत . तसेच त्यांच्या पवित्र ज्ञानाचा ठसा महाराष्ट्रात उमटत आहे .
तसेच सामाजिक कार्यात ही त्या अग्रेसर आहेत. शैक्षणिक व सामाजिक क्षेत्रात त्यांचे कार्य हे मोलाचे आहे . हे कार्य करीत असताना त्यांना प्रेरणा मिळते असे त्यांचे म्हणणे आहे . प्रा . सौ . उषा कोळवले / मेखले यांना अनेक सन्मानपत्रांनी सन्मानित करण्यात आले आहे .
प्रा . सौ . उषा कोळवले / मेखले या प्राध्यापिका व वेगवेगळ्या क्षेत्रात उल्लेखनीय कामगिरी करत आहेत . सदर कार्यक्रम रविवार दिनांक 6 नोव्हेंबर 2022 रोजी सकाळी 10 वाजता श्री गणेश विद्यामंदिर हायस्कूल संत कक्कया मार्ग धारावी क्रॉस रोड धारावी मुंबई 17 या ठिकाणी हा पुरस्कार वितरण सोहळा होणार आहे
व उपस्थित सर्व मान्यवरांच्या हस्ते प्रा . सौ . उषा कोळवले / मेखले यांना हा पुरस्कार देण्यात येणार आहे . अशी माहिती साप्ताहिक भगवे वादळचे संपादक मा .श्री . दत्ता खंदारे यांनी दिली आहे .


0 Comments