सांगोला तालुक्यात बामणी येथील डॉ नारायण भोसले यांना डॉ निर्मलकुमार फडकुले साहित्य पुरस्कार जाहीर।

डॉक्टर भोसले हे मूळचे बामणी तालुका सांगोला येथील सुपुत्र असून त्यांना मिळालेल्या पुरस्कारामुळे सांगोला तालुक्यात त्यांचे कौतुक होत आहे

सांगोला तालुक्यात बामणी येथील  डॉ नारायण भोसले यांना डॉ निर्मलकुमार फडकुले साहित्य पुरस्कार जाहीर। 

'महाराष्ट्र साहित्य कला प्रसारिणी सभा, पुणे' यांच्यामार्फत दिला जाणारा अत्यंत सन्मानाचा असलेला हा पुरस्कार यावर्षी डॉ नारायण भोसले यांच्या 'देशोधडी' या आत्मकथनास जाहीर करण्यात आलेला आहे. सोलापूरच्या मातीत जडणघडण झालेल्या व भारतभर पसरलेले 'देशोधडी' 

हे आत्मकथन नाथपंथी डवरी गोसावी या भटक्या जमातीच्या जगण्याचा लेखाजोखा मांडणारे आहे. माणदेशी मातीत आकार घेतलेला हा दरवळ आता सर्वत्र सन्मानित होत आहे. 'देशोधडी' हे जरी डॉ भोसले यांचे आत्मकथन असले तरी ते त्यांच्याशिवाय त्यांचे 

कुटुंब, त्यांचा समाज, सोलापूर जिल्हा आणि एकूणच भटक्या जमातींच्या रोजच्या जगण्याचे हे सार्वजनिक दस्तावेज आहे. यात इतिहास, धर्म, संस्कृती, भाषा, जगणे याविषयी डॉ भोसले यांनी साहित्यिक भाषेत विस्ताराने लिहिले आहे. म्हणूनच देशोधडीला 'महाराष्ट्र साहित्य कला प्रसारिणी सभा, पुणे' यांनी गौरविले आहे. 

सदर पुरस्कार २९ ऑक्टोबर २०२२ रोजी सायं ५.३० वाजता एसएम जोशी फाउंडेशन सभागृह, गांजवे चौक, पुणे येथे डॉ नागनाथ कोत्तापल्ले (जेष्ट साहित्यिक) यांच्या हस्ते व मा भारत सासणे (अध्यक्ष-अ भा म साहित्य संमेलन) यांच्या अध्यक्षतेखाली प्रदान करण्यात येणार आहे. या पुरस्काराबद्दल समाज, साहित्यिक आणि वाचक चळवळीतून कौतुकाचा वर्षाव होत आहे.