महूद येथील ग्रामपंचायतीच्या उपसरपंच पदी शेतकरी कामगार पक्षाच्या वर्षा धनंजय महाजन यांची बिनविरोध निवड...

 महूद येथील ग्रामपंचायतीच्या उपसरपंच पदी शेतकरी कामगार पक्षाच्या वर्षा धनंजय महाजन यांची बिनविरोध निवड... 

सांगोला/प्रतिनिधी :महूद येथील ग्रामपंचायतीच्या उपसरपंच पदी शेतकरी कामगार पक्षाच्या वर्षा धनंजय महाजन यांची बिनविरोध निवड झाली आहे.

महूद ग्रामपंचायतीचे उपसरपंच महादेव येळे यांनी आपल्या पदाचा राजीनामा दिल्याने उपसरपंच पद रिक्त झाले होते. उपसरपंच पदाच्या निवडीसाठी आज सदस्यांची सभा बोलवण्यात आली होती.

 अध्यक्षस्थानी सरपंच संजीवनी कल्याण लुबाळ या होत्या.उपसरपंच पदासाठी वर्षा महाजन व महादेव येळे यांनी आपले उमेदवारी अर्ज दाखल केले होते.मात्र महादेव येळे यांनी आपला उमेदवारी अर्ज माघारी घेतल्याने वर्षा महाजन यांची उपसरपंच पदी बिनविरोध निवड झाली आहे.

यावेळी सरपंच संजीवनी लुबाळ, महादेव येळे,यशवंत खबाले,सुनिता धनाजी कांबळे,वनिता संजय कोळेकर,दिलीप नागणे,भाग्यश्री जितेंद्र बाजारे,सविता सुखदेव येडगे,गणेश लवटे,विद्या नैनेश कांबळे,रोहिणी संजय चव्हाण,सिद्धेश्वर येडगे,भीमराव ढाळे,आशाबाई दौलत कांबळे, संजय पाटील,मालन तुकाराम आटपाडकर हे सर्व सदस्य उपस्थित होते.

महूद ग्राम पंचायतीमध्ये शेतकरी कामगार पक्षाचे नऊ तर विरोधी शिवसेना-राष्ट्रवादी काँग्रेस आघाडीचे आठ सदस्य आहेत. समजण्याची उपसरपंच पदी निवड झाल्यानंतर शेकाप व कार्यकर्त्यांनी फटाके वाजवून व गुलालाची उधळण करीत आनंद व्यक्त केला.

यावेळी बाळासाहेब पाटील, ॲड्. मारुती ढाळे, बाळासाहेब ढाळे,अंकुश येडगे,ॲड्. धनंजय मेटकरी,सुधीर बाजारे, प्रकाश येडगे, देविदास गोफणे,दौलत कांबळे आदी उपस्थित होते.

 गावच्या विकासासाठी विरोध नाही...

महूद ग्रामपंचायत मध्ये सत्ताधारी शेकापचे नऊ तर विरोधी शिवसेना-राष्ट्रवादी काँग्रेस आघाडीचे आठ सदस्य आहेत.आजच्या उपसरपंच निवडी वेळी विरोधी आघाडीने उमेदवार उभा केला नाही.

याबाबत माजी उपसरपंच दिलीप नागणे म्हणाले की,महूद गावचे प्रश्न माहीत असलेल्या गावातील व्यक्तीला उपसरपंच पदाची संधी मिळत आहे.यामुळे गावचे प्रश्न सुटण्यास मदत होणार असल्याने आम्ही त्यांना बिनविरोध उपसरपंच केले आहे.