सोलापूर सीईओ दिलीप स्वामी यांना राज्यात मोठी संधी ; सरकारने केले या राज्यस्तरीय समितीचे अध्यक्ष
सोलापूर : ग्रामविकास विभागांतर्गत जिल्हा परिषदेकरिता मंजूर असलेल्या पदांचा सुधारित आकृतिबंध अंतिम करण्यासाठी समिती गठीत करणेत आली आहे. या समितीचे अध्यक्षपदावर सोलापूर जिल्हा परिषदेचे मुख्य कार्यकारी अधिकारी दिलीप स्वामी यांची निवड करण्यात आली शासन निर्णयातील निर्देशाप्रमाणे सुधारित आकृतिबंध अंतिम मंजूर केले आहेत.
अशा सुधारित आकृतीबंधातील महाराष्ट्र लोकसेवा आयोगाच्या कक्षेतील पदे वगळता अन्य पदे ५० टक्के भरण्यास अनुमती देण्यात आली आहे. तसेच, वरील प्रमाणात पदभरतीसाठी एकही पद उपलब्ध होत नसल्यास किमान एक पद भरता येईल, असे नमूद केले आहे.
शासन निर्णयातील सूचनांच्या अनुषंगाने पदभरती करण्याकरिता ग्रामविकास विभागांतर्गत पदभरती प्रक्रिया जलद करण्याच्या अनुषंगाने ग्रामविकास विभागांतर्गत जिल्हा परिषद/पंचायत समिती याच्या अखत्यारीतील पदाचा सुधारित आकृतिबंध अंतिम करण्यासाठी सहाय्य करण्याकरिता मुख्य कार्यकारी अधिकाऱ्यांची समिती गठीत करण्याची बाब शासनाच्या विचाराधिन होती.
ग्रामविकास विभागांतर्गत गट क व गट ड संवर्गाची पदभरती प्रक्रिया जलद करण्याच्या अनुषंगाने जिल्हा परिषद/पंचायत समिती यांच्या अखत्यारीतील पदांचा सुधारित आकृतिबंध अंतिम करण्यासाठी सहाय्य करण्याकरिता पुढीलप्रमाणे समिती गठीत करण्यास शासन मान्यता देण्यात येत आहे.
समितीचे अध्यक्षपदी जिल्हा सिईओ दिलीप स्वामी आहेत. सदस्य म्हणून किरण पाटील, मुख्य कार्यकारी अधिकारी, जिल्हा परिषद, रायगड, योगेश कुंभेजकर, मुख्य कार्यकारी अधिकारी,
जिल्हा परिषद, नागपुर, वसुमना पंत, मुख्य कार्यकारी अधिकारी, जिल्हा परिषद, वाशिम , वर्षा ठाकूर घुगे, मुख्य कार्यकारी अधिकारी, जिल्हा परिषद, नांदेड, पंकज आशिया, मुख्य कार्यकारी अधिकारी, जिल्हा परिषद, जळगाव, सुरेश बेदमुथा, उप आयुक्त (आस्थापना), विभागीय आयुक्त कार्यालय, औरंगाबाद- सदस्य सचिव आहेत.
शासन निर्णयातील निर्देशाप्रमाणे ग्रामविकास विभागांतर्गत जिल्हा परिषद / पंचायत समितीसाठी मंजूर असलेल्या पदांचा सुधारित आकृतिबंध मंजूर करण्याकरिता विभागीय आयुक्त स्तरावर आढावा घेऊन,
सुधारित आकृतिबंध (मंजूर पदांचा तपशील) अंतिम करण्याकरिता पाठपुरावा करावा. असे नमुद करणेत आले आहे., सर्व जिल्हा परिषदांचा एकत्रित सुधारित आकृतिबंध अंतिम मान्यतेसाठी शासनास दि.०१ डिसेंबर, २०२२ रोजी सकाळी ११.०० वाजेपर्यंत सादर करावा.. असे सुचित करणेत आले आहे.
सोलापूर सीईओ दिलीप स्वामी यांना राज्यात मोठी संधी ; सरकारने केले या राज्यस्तरीय समितीचे अध्यक्ष
0 Comments