अपघात झाल्यास मोबाईल वाचवेल जीव, तुमच्याकडे आहे का ‘हा’ स्मार्टफोन..?

अपघात झाल्यास मोबाईल वाचवेल जीव, तुमच्याकडे आहे का ‘हा’ स्मार्टफोन..?

सध्या प्रत्येकाच्या खिशात स्मार्टफोन पाहायला मिळतो.. त्यातील विविध अ‍ॅप्समुळे  महत्त्वाची कामंही झटक्यात होऊ लागली आहे.. अगदी आपत्कालीन परिस्थितीतही स्मार्टफोनमुळे तात्काळ मदत मिळू शकते. एखादा अपघात झाल्यास अपघातग्रस्तांपर्यंत तातडीनं मदत पोहोचणं गरजेचं असतं. अशा वेळी स्मार्टफोन तुमच्या मदतीला आला तर..?

हो.. आता हे शक्य आहे.. ‘अ‍ॅपल’चा आयफोन आणि अ‍ॅपल स्मार्टवॉचच्या  माध्यमातून अनेक अपघातग्रस्तांना वेळेवर रुग्णालयात पोहोचवण्यास मदत झालीय.. त्यामुळे अनेकांचे प्राण वाचले आहेत.. याबाबत ‘अ‍ॅपल’ची ‘एसओएस’ सुविधा खूप लोकप्रिय आहे.

आता ‘गुगल पिक्सेल’  या स्मार्टफोनमध्ये तसेच फीचर उपलब्ध झाले आहे.. ‘कार क्रॅश डिटेक्शन’  असं या फीचरचे नाव आहे.. सध्या केवळ ‘गुगल पिक्सेल’वर उपलब्ध असणारी ही सुविधा लवकरच अन्य ‘अँड्रॉइड’ स्मार्टफोन्सवरही उपलब्ध होणार असल्याचे सांगण्यात येते..

फीचर कसे काम करते..?

एखादा अपघात झाल्यास, तुमच्या ‘गुगल पिक्सेल’ स्मार्टफोनमधील ‘कार क्रॅश डिटेक्शन’ फीचरमुळे ‘ऑटोमॅटिक’ आपत्कालीन क्रमांकावर संपर्क साधला जातो. त्यामुळे तुम्ही संकटात असल्याचे संबंधित यंत्रणेला समजते व तुमच्यापर्यंत तातडीने मदत पोहचवण्यास मदत होते..

येत्या काळात ‘गुगल’ लवकरच काही नवीन सुरक्षा फीचर आणणार आहे.. त्यामुळे आगामी काळात अँड्रॉइड फोनमध्ये ‘कार क्रॅश डिटेक्शन’ फीचरसोबत ‘क्रायसिस अलर्ट’  ‘सेफ्टी चेक’ अशी फीचर्सही मिळू शकतात..

‘कार क्रॅश डिटेक्शन’ फीचरसाठी काही परवानग्या घ्याव्या लागतात.. त्यामुळे ‘पिक्सेल’व्यतिरिक्त अन्य अँड्रॉइड फोनमध्येही ही सुविधा कशी देणार, हे स्पष्ट झालेलं नाही. ‘गुगल प्ले’ (Google Play)च्या माध्यमातून व्यक्तिगत संरक्षण सुविधा दिल्या जाणार असल्याचे बोलले जात आहे.