शेतीपंपाच्या वसुलीस अत्यल्प प्रतिसादामुळे सांगोला तालुक्यात वीज कनेक्शन तोडणी मोहिम तीव्र होणार - श्री आनंद दा . पवार

 शेतीपंपाच्या वसुलीस अत्यल्प प्रतिसादामुळे सांगोला तालुक्यात वीज कनेक्शन तोडणी मोहिम तीव्र होणार - श्री आनंद दा . पवार

महाराष्ट्र शासन व महावितरण तर्फे शेतीपंपाच्या थकबाकी वसुलीसाठी लागू केलेल्या कृषी वीज धोरण 2020 या योजनेअंतर्गत शेतीपंपाच्या थकबाकी वसुली मोहिमेस सांगोला तालुक्यात अत्यल्प प्रतिसात मिळत असल्यामुळे महावितरण तर्फे शेतीपंपाच्या थकबाकीत असलेल्या वीज ग्राहकांचे कनेक्शन तोडणी मोहिम तीव्र गतीने राबविण्यात येणार असल्याचे उपकार्यकारी अभियंता श्री आनंद दा . पवार यांनी कळविले आहे . 

राज्यात महावितरणची थकबाकी 73 हजार कोटीवर जाउन पोहचली आहे त्यात शेतीपंपाची थकबाकी 45 हजार कोटी झाली आहे . सांगोला तालुक्यातील 34 हजार ग्राहकांकडे 266 कोटी रूपये थकबाकी व चालु बिल 60 कोटी रूपये अशी एकूण 326 कोटी थकबाकी आहे . महावितरणची 50 % ते 66 % वीज बिल माफीची योजना मार्च 2022 अखेर पर्यंतच लागू असल्याने ग्राहकांनी आत्तापासून टप्प्या टप्प्याने रक्कम भरून मार्च 22 पर्यंत आपले वीज बिल कोरे करावे .

 तसेच वीज बिल भरलेल्या ग्राहकांचा विद्युत पुरवठा सुरळित ठेवण्यात येईल . तरी महावितरणच्या आव्हानाला शेतीपंप ग्राहकांनी बिल भरण्यास अल्यल्प प्रतिसाद दिल्याने वीज कनेक्शन तोडण्याशिवाय पर्याय उरला नसल्याने महावितरण तर्फे उदयापासून शेतीपंप वीज कनेक्शन तोडणी मोहिम तीव्र गतीने राबविण्यात येणार आहे . तरी सर्व ग्राहकांना आव्हान करण्यात येते की , त्यांनी आपले शेतीपंपाचे वीज बिल भरून महावितरण कंपनीस सहकार्य करावे .