संकटं संपेनात ! कोरोनापाठोपाठ झिका विषाणूची एंट्री ; १३ रुग्ण सापडल्यानं खळबळ ; जाणून घ्या लक्षणं

 संकटं संपेनात ! कोरोनापाठोपाठ झिका विषाणूची एंट्री ; १३ रुग्ण सापडल्यानं खळबळ ; जाणून घ्या लक्षणं

  देशात आलेली कोरोनाची दुसरी लाट हळूहळू ओसरत आहे . मात्र तिसऱ्या लाटेचा धोका कायम आहे . अशा स्थितीत आता झिका विषाणूनं एंट्री घेतली आहे . केरळमध्ये आतापर्यंत १३ जणांना झिकाची लागण झाली आहे . त्यात एका गर्भवतीचा समावेश आहे . तिरुअनंतपुरमधून घेण्यात आलेल्या रुग्णांचे नमुने तपासणीसाठी पुण्यातल्या नॅशनल इन्स्टिट्यूट ऑफ वायरॉलॉजीमध्ये पाठवण्यात आले आहेत . तिरुअनंतपुरममधल्या एका खासगी रुग्णालयात २८ जूनला एका २४ वर्षीय गर्भवतीला दाखल करण्यात आलं . या महिलेला ताप , डोकेदुखी , शरीरावर लाल चट्टे अशा स्वरुपाचा त्रास होत होता . जिकाची लक्षणं असल्यानं पुण्यातील प्रयोगशाळेत नमुने तपासण्यात आले . झिकाची लागण झालेल्या महिलेची प्रकृती स्थिर असल्याची माहिती केरळच्या आरोग्यमंत्री वीणा जॉर्ज यांनी दिली सात जुलैला महिलेची प्रसुती महिलेनं ७ जुलैला बाळाला जन्म दिला . झिकाची लागण झालेली महिला राज्याबाहेर गेलेली नव्हती . झिकाग्रस्त महिला केरळच्या सीमावर्ती भागाची रहिवासी आहे . या विषाणूची लक्षणं दिसायला ३ ते १४ दिवस लागतात . बहुतांश लोकांमध्ये लक्षणंदेखील दिसत नाहीत . काही लोकांना ताप , शरीरावर चट्टे , डोकेदुखी , मांसपेशी आणि सांधेदुखीची समस्या जाणवते . पहिल्यांदा युगांडातील माकडांमध्ये सापडला होता झिका जागतिक आरोग्य संघटनेकडे असलेल्या नोंदीनुसार , झिका विषाणू एडीज डास चावल्यानं पसरतो . हे डास संध्याकाळी जास्त सक्रीय असतात . युगांडात पहिल्यांदा १ ९ ४७ मध्ये माकडांमध्ये झिका विषाणू सापडला . यानंतर १ ९ ५२ मध्ये युगांडा आणि टांझानियात माणसांना या विषाणूची लागण झाली . आशिया , आफ्रिका , अमेरिका , पॅसिफिक महासागरातील बेटांवर आतापर्यंत झिकाचे रुग्ण सापडले आहेत .